काठमाडौं - माओवादी केन्द्रको महाधिवेशन सकिएको तीन महिना बितिसकेको छ । गत पुसमा माओवादीको राष्ट्रिय महाधिवेशन सम्पन्न भएको थियो । तर, अहिलेसम्म पनि पार्टीको पदाधिकारी चयन गर्न अध्यक्ष पुष्पकमल दाहाल प्रचण्ड असफल बनेका छन् ।

पदाधिकारी चयन गर्नकै लागि भनेर आइतबार केन्द्रीय समितिको बैठक बोलाइएको थियो । तर, गृहकार्य नपुगेको भन्दै आजका लागि बैठक बोलाइएको छ । बैठक बस्नुअघि आज पनि सबेरैदेखि नेताहरुको दौडधूप देखिएको छ ।

शुक्रबारदेखि सुरु पार्टीको केन्द्रीय समिति बैठक हिजो बस्न नसकेपछि नेताहरुको भेटघाट र छलफलले तीव्रता लिएको हो ।

आज खुमलटारमा नेताहरु देव गुरुङ, शिक्षामन्त्री देवेन्द्र पौडेल, अर्थमन्त्री जनार्दन शर्मा, राष्ट्रिय भूमि आयोगका उपाध्यक्ष नहेन्द्र खड्का, मधेस प्रदेश सरकारका आन्तरिक मामिला तथा सञ्चारमन्त्री भरतप्रसाद साह, रामेश्वर राय यादवले अध्यक्ष दाहालसँग संयुक्त भेटवार्ता गरेका छन् । नेताहरूको असन्तुष्टि समाधानका लागि पार्टी अध्यक्ष प्रचण्ड सहमतिको प्रयासमै छन् ।

तर, उनले अहिलेसम्म मिलनबिन्दु भने भेटाउन सकेका छैनन् । जसकारण पनि केन्द्रीय कमिटी बैठक पटकपटक स्थगित हुँदै आएको हो ।

उनीमाथि अहिले नेताहरूको व्यवस्थापन र पार्टीभित्रै एमसिसीमाथि उठेको असन्तुष्टिका आवाजलाई कम गर्नुपर्ने दबाब छ । एमसिसी संसदबाट व्याख्यात्मक टिप्पणीसहित पास भएपछि सत्ता साझेदारसमेत रहेको माओवादीका केही नेताहरूले खुलेरै असन्तुष्टि पोखे ।

विशेष गरी नारायणकाजी श्रेष्ठ, गिरिराजमणि पोखरेल, कृष्णबहादुर महरा, लीलामणि पोखरेललगायत माओवादीका प्रभावशाली नेताहरूले एमसिसी अनुमोदनमाथि असन्तुष्टि जनाएका हुन् । उनीहरूले पार्टी नै छाड्ने धम्कीसमेत दिएका छन् ।

आजको बैठकमा केन्द्रीय कमिटीलाई पूर्णता, पोलिटब्युरो, स्थायी कमिटी गठनलगायतका एजेन्डामा छलफल हुने माओवादी केन्द्रीय कार्यालयका सचिव श्रीराम ढकालले जानकारी दिए ।

माओवादीले पदाधिकारीसँगै स्थायी कमिटी चयनको तयारी थालेको छ । तीन तीन महिनासम्म पदाधिकारी चयन गर्न नसक्नुलाई प्रचण्डको ठूलो अक्षमता मानिएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

ईश्वर पोखरेलले प्रचण्डलाई बोकाए ठूलो दोषको भारी !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

प्रचण्ड नै पत्याएनन् केपी ओलीको नीति, तत्कालै यस्तो दिए प्रतिक्रिया

बालुवाटारमै केपी ओलीलाई ठूलो धक्का, सचिवालय बैठकमा प्रचण्डको अडानले तुहियो भित्रि योजना !