काठमाडौं - एमाले अध्यक्ष केपी ओली र माओवादी केन्द्रका अध्यक्ष पुष्पकमल दाहाल प्रचण्ड सात महिनापछि औपचारिक रूपमा आइतबार एउटै बैठकमा आम्नेसाम्ने भए । प्रधानमन्त्रीबाट हटेपछि प्रचण्डसँग ओलीले औपचारिक भेटवार्ता गरेका थिएनन् ।

यसबीचमा सम्पन्न भएका एमाले महाधिवेशनमा प्रचण्ड गएका थिएनन् भने माओवादीको महाधिवेशनमा ओली गएनन् । महाधिवेशनमा दुवै पार्टीले दुवै नेतालाई निम्तो दिएका थिए ।

नेपाली कांग्रेसको मंसिरमा भएको महाधिवेशनमा भने प्रचण्ड र ओली एउटै मञ्चमा उपस्थित भएका थिए । कांग्रेसको १४औं महाधिवेशनको उद्घाटन कार्यक्रममा ओली र प्रचण्ड एकै मञ्चमा उपस्थित भए पनि औपचारिक कुराकानी भएको थिएन । प्रचण्डका कारण गत असार २८ गते ओलीले बालुवाटार छोड्नु परेको थियो ।

प्रचण्ड र माधवकुमार नेपालका कारण तत्कालीन नेपाल कम्युनिस्ट पार्टी विभाजन भएको थियो, जसको अध्यक्ष ओली र प्रचण्ड थिए । अदालतले पार्टी एकता गरेका एमाले र माओवादी केन्द्रलाई पुरानै अवस्थामा फर्काइदिएको थियो ।

त्यसपछि तत्कालीन एमाले नेता माधवकुमार नेपालले एमालेबाट अलग भई एकीकृत समाजवादी पार्टी स्थापना गरेका थिए । ओलीले गरेको संसद् विघटनलाई प्रचण्ड र नेपालले समर्थन नगरेपछि ओली प्रधानमन्त्रीको कुर्सीबाट हट्नु परेको थियो ।

प्रधानमन्त्रीबाट हटेपछि ओली र प्रचण्डबीच प्रत्यक्ष औपचारिक भेटवार्ता भएको थिएन । यो सात महिनाको अवधिमा ओलीले प्रचण्डको र प्रचण्डले ओलीको आलोचना गर्दै आएका थिए ।

आइतबारको बैठकमा स्थानीय तहको निर्वाचन र एमसीसीको सम्बन्धमा छलफल भएको थियो । प्रधानमन्त्री शेरबहादुर देउवाले ओली र प्रचण्डलाई एकैपटक बालुवाटार बोलाएका थिए ।

सात महिनापछि ओली बालकोटबाट पुनः बालुवाटार पुगेका थिए । तर, यसबीचमा प्रचण्ड पटकपटक बालुवाटार पुगेका थिए ।

तर, जब सात महिनापछि बालुवाटारमा ओली मन्द मुस्कानसहित वार्तामा बसेका थिए, त्यहीँ प्रचण्ड भने कागती निचोरिएको अनुहार जस्तो देखिन्थे । ओलीको बडील्यांग्वेजले प्रचण्ड कायल भएको सार्वजनिक तस्बिरले नै पुष्टि गर्छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

ईश्वर पोखरेलले प्रचण्डलाई बोकाए ठूलो दोषको भारी !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

केपी ओलीलाई र्‍याखर्‍याख्ती पार्ने प्लान : ७० करोड घुसकाण्डदेखि अपहरण काण्ड चर्किने !

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध