राजनीतिक बिशेष
माओवादी केन्द्रको महाधिवेशन बन्यो कोरोना फैलाउने ‘इपी सेन्टर’
माओवादी केन्द्रको महाधिवेशन बन्यो कोरोना फैलाउने ‘इपी सेन्टर’
काठमाडौं - हालै सम्पन्न माओवादी केन्द्रको महाधिवेशन नेपालमा कोरोनाको तेस्रो लहर फैलाउने ‘इपी सेन्टर’ बनेको छ ।
माओवादी केन्द्रीय कार्यालयका शिव खकुरेलबाहेक सबै कर्मचारीलाई कोरोना हुनु, महाधिवेशनमा सहभागी भएका २० प्रतिशतमा कोरोना संक्रमण देखिएको छ । अहिले माओवादी केन्द्रका नेताहरू सबै घरघरमा बसेका छन् ।
सबैलाई रुघा, खोकी, ज्वरोको लक्षण देखिएको छ । कर्णालीका मुख्यमन्त्री महेन्द्रबहादुर शाही पनि यही संक्रमणका कारण आइसोलेसनमा बसेका छन् । उनले सबै राजनीतिक भेटघाट बन्द गरेका छन् ।
माओवादी अध्यक्ष प्रचण्डले त बिहीबारदेखि नै प्रत्यक्ष राजनीतिक भेटघाट बन्द गरेका छन् । उनलाई कुनै संक्रमण नदेखिए पनि केन्द्रीय कार्यालयका कर्मचारी तथा स्वकीय सचिवालयका सहयोगीमा पनि कोरोना देखिएपछि प्रचण्ड परिवार अहिले अलग्गै बसेको छ ।
उनी केही दिनदेखि हात्तीवनमा बस्दै आएको स्रोतले बतायो । वाईसीयलका पूर्वअध्यक्ष रामप्रसाद सापकोटा पनि अहिले रुघा, खोकी, ज्वरोबाट ग्रसित भएर घरमै आराम गरिरहेका छन् ।
माओवादीका नेताहरूमा अहिले देखिएको यो लक्षण सबै ओमिक्रोनको लक्षण हुन सक्ने आशंका गरिएको छ । ओमिक्रोनको लक्षण डेल्टा भाइरसको जस्तै हुने तर घाँटीमा बढी असर गर्ने चिकित्सकहरू बताउँछन् ।
नेपाली कांग्रेसको महाधिवेशन सकिँदासम्म कोरोनाको प्रभाव कमजोर भइसकेको थियो । तर, माओवादीले आठ दिनसम्म प्रज्ञा प्रतिष्ठानमा दुई हजार बढीको भेला गराएर महाधिवेशन गरेकाले पनि कोरोना संक्रमण विस्तार हुन सहयोग पुगेको देखिन्छ ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४