काठमाडौं - माओवादी केन्द्रको आठौं महाधिवेशन आठै दिनमा आइतबार सम्पन्न हुँदैछ । पुस ११ गतेदेखि सुरु भएको महाधिवेशनको बन्दसत्र शनिबार स्थगित गरिएको छ ।

हिजो नै निर्वाचन प्रक्रिया सुरु भएको छ । जसअनुसार १७ सय ४२ जना मतदाताको सूची प्रकाशित गरिएको छ । नेतृत्व चयनसमेत गर्ने महाधिवेशनले निर्वाचन प्रक्रिया सुरु नगरी सकिँदा निर्वाचन आयोगको कारबाहीमा पर्ने भएकाले पनि शनिबार राति मतादाता नामावली प्रकाशन गरिएको हो । आइतबार बिहान ११ बजे स्थायी कमिटी बैठक बोलाइएको छ ।

बैठकमा प्रचण्डले सुरुमा पदाधिकारीको सूची प्रस्ताव गर्ने र निर्वाचनमा त्यही सूची सार्वजनिक गर्ने तयारी छ । एमालेको १०औं महाधिवेशनमा केपी ओलीले पनि त्यसरी नै केन्द्रीय कार्यसमितिको सूची प्रस्ताव गरेका थिए ।

पछि निर्वाचन हुँदा त्यही प्रस्तावित नामका नेताहरू नै उम्मेदवार भएका थिए । माओवादी अध्यक्ष प्रचण्डले पनि पदाधिकारीमा सहमति जुटाएपछि केन्द्रीय समिति सदस्यको नाम प्रस्ताव गर्ने र अन्तिममा त्यही नाम सार्वजनिक गर्ने स्रोतले बतायो ।

शनिबार बन्दसत्रमा सुरु भइसकेको निर्वाचन प्रक्रिया स्थगन गरेर सर्वसम्मत नेतृत्व चयनलाई प्राथमिकतामा राखेको हो । सहमतिका लागि थप गृहकार्य गर्ने भन्दै माओवादी केन्द्रले आज दिउँसो २ बजेसम्मका लागि निर्वाचन प्रक्रिया स्थगन गरेको छ । योसँगै नेताहरू सर्वसम्मतकै कोसिसमा जुटेका छन् ।

रातभर खुमलटारमा केन्द्रीय समितिमा बस्ने नेताहरूको सूची बनाइएको थियो । महाधिवेशन आयोजक कमिटीको प्रदेशस्तरीय छलफलले आ–आफ्नो प्रदेशबाट केन्द्रीय समितिमा सहमतिबाट आउने आकांक्षीको प्रारम्भिक सूची तयार पारेर केन्द्रीय कार्यालयमा बुझाएको छ ।

स्थायी कमिटी बैठकमा सबै प्रदेशबाट आएका नामहरूमा छलफल गर्ने र १ बजे सुरु हुने बन्दसत्रको हलमा केन्द्रीय कमिटीको सूची प्रस्तुत गर्ने तयारी भएको छ ।

बन्दसत्र पहिले केन्द्रीय कमिटी प्रस्ताव गर्ने र त्यसपछि आजै केन्द्रीय समितिबाट पदाधिकारीसमेत टुंग्याउने तयारीमा माओवादी केन्द्र जुटेको हो ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

ईश्वर पोखरेलले प्रचण्डलाई बोकाए ठूलो दोषको भारी !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

प्रचण्ड नै पत्याएनन् केपी ओलीको नीति, तत्कालै यस्तो दिए प्रतिक्रिया

बालुवाटारमै केपी ओलीलाई ठूलो धक्का, सचिवालय बैठकमा प्रचण्डको अडानले तुहियो भित्रि योजना !