ओली प्रवृत्तिविरुद्ध एमालेभित्र भीम रावलसहित १२०० जनाको विद्रोह, यस्तो कदमले देशभर तरङ्ग
ओली प्रवृत्तिविरुद्ध एमालेभित्र भीम रावलसहित १२०० जनाको विद्रोह, यस्तो कदमले देशभर तरङ्ग
काठमाडौं – नेकपा एमालेको १०औं राष्ट्रिय महाधिवेशनका लागि प्रतिनिधि छनौट गर्दा सहमतिको नाममा स्वेच्छाचारिता बढेको गुनासो सर्वत्र सुनिएका बेला पार्टी उपाध्यक्ष भीमबहादुर रावलले खुला विद्रोह गरेका छन् ।
एमालेमा लामो समयदेखि अध्यक्ष केपी शर्मा ओलीले देखाउँदै आएको स्वेच्छारिता र मनपरी प्रवृत्ति महाधिवेशन प्रतिनिधि छनौटमा समेत देखिएपछि उपाध्यक्ष रावल विरोधमा उत्रिएका छन् ।
उपाध्यक्ष रावलले दशौं महाधिवेशन प्रतिनिधि छनोटमा कैलाली लगायतका जिल्लामा बेथितिपूर्ण ढंगले भएको भन्दै रद्द गरी पुनः निर्वाचन गर्न माग गरेका छन् ।
आज बुधवार विज्ञप्ति जारी गर्दै नेता रावलले पार्टी सदस्यता वितरण, नवीकरण तथा प्रतिनिधि चयनमा पार्टीको विधि, पद्धति र निर्णय विपरीतका कार्य भएको आरोप लगाउँदै विरोध गरेका छन् ।
रावलले विज्ञप्तिमा भनेका छन्, ‘विधि र पद्धतिको पूर्णपालना गरी दशौं राष्ट्रिय महाधिवेशन स्वच्छ र निष्पक्ष किसिमले हुनुपर्छ भन्ने सबैको चाहना र पार्टीको आवश्यकता हो तर यस्तो चाहना र आवश्यकता विपरीत कतिपय स्थानमा पार्टी सदस्यता वितरण, नवीकरण तथा प्रतिनिधि चयनमा पार्टीको विधि, पद्धति र निर्णय विपरीतका क्रियाकलाप भएका छन् । कैलाली लगायतका कतिपय जिल्लामा सदस्यता वितरण, नवीकरण र प्रतिनिधि चयनमा भइरहेको बेथितिबारे मैले पार्टीका बैठकहरुमा कुरा उठाउनुका साथै पार्टी अध्यक्ष र संगठन विभाग प्रमुखलाई जानकारी गराई त्यस्ता क्रियाकलाप रोकी विधि र पद्धतिसम्मत किसिमले काम गर्न निर्देशन हुन मैले मात्र होइन, अरुबाट पनि माग गरिएको थियो ।’
उपाध्यक्ष रावलले बेथितिको उदाहरण दिँदै कैलाली जिल्लाको २ नम्बर निर्वाचन क्षेत्र, लम्कीचुहा नगरपालिकामा प्रतिनिधि चयनमा भएको चरम स्वेच्छाचारी कार्यलाई प्रस्तुत गरेका छन् ।
उनले भनेका छन्, ‘बिडम्बना ! प्रतिनिधि चयनको कुनै विधिवत् प्रक्रिया विना धनगढीबाट कथित प्रतिनिधिको नाम घोषणा गरिएको छ । यसका विरुद्ध उक्त क्षेत्रका १२०० बढी पार्टी सदस्यहरूले हस्ताक्षर गरी पार्टीमा उजुरी गरेका छन् । यसको पार्टी अध्यक्ष र संगठन विभागबाट सुनुवाई होस् र पार्टीको निर्णय–निर्देशन विपरीत कथित प्रतिनिधि चयन रद्द गरी विधिसम्मत किसिमले प्रतिनिधिको चयन गरियोस् ।’
अध्यक्ष ओलीको डरले चुइँक्क बोल्न नसकेका एमालेका पीडित नेता कार्यकर्ता उपाध्यक्षको विद्रोहसँगै जुर्मुराउन थालेका स्रोतले जनाएको छ । उपाध्यक्ष रावलको विद्रोही अभिव्यक्तिले एमालेभित्र देशभर तरङ्ग ल्याएको छ ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४