एमाले वडा र पालिका अधिवेशनमा कता हराए बादल, भीम रावल र प्रभु साह ?
एमाले वडा र पालिका अधिवेशनमा कता हराए बादल, भीम रावल र प्रभु साह ?
काठमाडौं - एमालेको वडा र पालिका तहको अधिवेशन अहिले जारी छ । धेरै वडामा सर्वसम्मत भएको भनेर प्रचार गरिए पनि त्यस्तो नभएको तथ्य खुलेको छ ।
एमाले उपाध्यक्ष भीम रावलले त सुदूरपश्चिम प्रदेशका कतै पनि वडा तहको अधिवेशन नै नभएको भनेर अध्यक्ष केपी ओलीको धोती नै खुस्काइदिएका छन् । सोही कारण ओलीले यस विषयमा आफूले रावलसँग कुराकानी गर्ने भनेर सार्वजनिक रूपमै बोल्नुपर्ने बाध्यता आइलाग्यो ।
सुदूरपश्चिम प्रदेशमा रावल र लेखराज भट्टमध्ये को प्रदेश इन्चार्ज भन्ने नुटंगिएकाले पनि वडा र पालिका तहको अधिवेशन हुन नसकेको बताइन्छ । मंगलबार एकैदिन सात सय ५३ पालिकामा सम्पन्न गर्ने भनिएको अधिवेशन पनि सकिएन ।
आज पनि धेरै ठाउँमा गर्ने प्रयास हुँदैछ । भएका ६ सय पालिका अधिवेशनमध्ये एक सयवटामा मात्र सर्वसम्मत भएको छ । बाँकीमा निर्वाचनको प्रक्रियाबाट टुंगो लगाउने तयारी भएको छ ।
एमालेको पालिका तहको अधिवेशनमा अहिलेसम्म भीम रावल, रामबहादुर थापा बादल, घनश्याम भुसाल, योगेश भट्टराई, गोकर्ण विष्ट, प्रभु साह जस्ता नेता कतै मञ्चमा देखिएका छैनन् ।
एमालेका १० भाइमध्ये सुरेन्द्र पाण्डे मात्र देखिएका छन् । योगेश विरामी छन् । गोकर्ण र घनश्यामले सामाजिक सञ्जालमार्फत धारणा सार्वजनिक गरेका छन् ।
रावलले त ओलीसँग असन्तुष्टि नै जनाइसकेका छन् । प्रभु साहले अर्को पार्टी गठनको तयारी गरेका छन् । बादल पनि त्यति सक्रिय छैनन् । फेरि पनि ओली नै अध्यक्ष बन्ने स्थिति देखिएपछि एमालेका धेरै नेता निष्क्रिय हुन थालेका छन् ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४