काठमाडौं – प्रधानमन्त्री शेरबहादुर देउवाले विश्वासको मत लिने दिन आक्रोशमा आएर प्रतिनिधिसभा सांसद पदबाट राजीनामा दिएका नेकपा एमालेका उपाध्यक्ष भीम रावलमाथि यतिबेला चर्काे दबाब छ ।

एमाले अध्यक्ष केपी शर्मा ओलीदेखि सुदूरपश्चिमका मन्त्री र सांसदले उपाध्यक्ष रावललाई राजीनामा फिर्ता गर्न दबाब दिएका छन् । तर नेता रावलले के सोचिरहेका छन् ?

सुदूरपश्चिम प्रदेशका मन्त्री र सांसदले उपाध्यक्ष रावललाई भेटेरै सांसद पदबाट राजीनामा फिर्ता लिन आग्रह गरेका छन् । रावल निवासमै पुगेर राजीनामा फिर्ता लिन आग्रह गरिएको प्रदेशका आर्थिक मामिला तथा योजना मन्त्री प्रकाशबहादुर शाहले बताएका छन् ।

मन्त्री शाहले भने, ‘सुदूरपश्चिमको अभिभावक, सक्रिय राजनीतिमा लागेको व्यक्ति संघीय संसदमा रहिरहन पर्छ । एमसीसी, कालापानी लगायतका सवाल कसले उठाउँछ भनेर हामीले भन्यौं । समग्र सुदूरपश्चिमकै लागि पनि राजीनामा फिर्ता लिनुपर्छ भनेर आग्रह गरेका छौं ।’

भेटमा उपाध्यक्ष रावलले प्रदेशका नेताहरूको चासो र चिन्ता स्वभाविकै भएको बताउँदै आफू अकारण राजीनामा नदिएको स्पष्ट पारेका छन् । ‘पार्टीलाई एक बनाउन काम गरेको हुँ । कार्यदलमा संयोजकको भूमिका इमान्दारितापूर्वक निर्वाह गरें । अनैतिक राजनीतिमा लाग्नुभन्दा अलग हुन्छु भनेर राजीनामा दिएको हुँ । सबै साथीहरुको दबाब आएको छ, पुनर्विचार गर्ने कि नगर्ने निर्णयमा पुग्न सकेको छैन । हेरौं के हुन्छ,’ उपाध्यक्ष रावलको भनाइ उदृत गर्दै मन्त्री शाहले भने ।

उपाध्यक्ष रावलको राजीनामापछि प्रदेशका मन्त्री शाह, कानूनमन्त्री पूर्णा जोशी, सामाजिक विकास मन्त्री लालबहादुर खड्का लगायत १३ जना काठमाडौं पुगेका छन् ।

यसअघि एमाले केन्द्रीय कमिटी बैठकमार्फत अध्यक्ष ओलीले समेत राजीनामा फिर्ता लिन रावललाई आग्रह गरेका थिए ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

केपी ओलीलाई र्‍याखर्‍याख्ती पार्ने प्लान : ७० करोड घुसकाण्डदेखि अपहरण काण्ड चर्किने !

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध

प्रचण्डसँग मिलेर केपी ओलीले दिए कडा निर्देशन, विरोध उत्रेका सांसद के गर्लान् ?