माधव नेपाललाई भेटेर अर्थ मन्त्रालयमा पुगे भीम रावल, के छ तयारी ?
माधव नेपाललाई भेटेर अर्थ मन्त्रालयमा पुगे भीम रावल, के छ तयारी ?
काठमाडौं – सत्तारुढ दल नेकपा एमालेमा देखिएको विवाद समाधान गरेर एकताका लागि क्रियाशील बनेको कार्यदल बैठक बस्नुअघि उपाध्यक्ष भीम रावलले नेता माधव नेपालसँग परामर्श गरेका छन् ।
नेपालनिवास कोटेश्वरमा परामर्श गरेर उपाध्यक्ष रावल कार्यदलको बैठकका लागि सिंहदरबारस्थित अर्थ मन्त्रालयमा पुगेका हुन् ।
नेपाल पक्षका संयोजक रहेका रावलले हालसम्मका सहमतिका विषयमा नेपाललाई जानकारी गराएका छन् ।
रावल आउनुअघि नै वार्ता टोलीका दुबै पक्षका सबै नेताहरु सिंहदरवार पुगिसकेका थिए । वार्ता टोलीबीच अर्थ मन्त्रालयमा छलफल चलिरहेको छ ।
मंगलवार वार्ता टोलीको छलफल चलिरहेका बेला माओवादी अध्यक्ष पुष्पकमल दाहाल ‘प्रचण्ड’ नेता माधव नेपाललाई भेट्न कोटेश्वर गएका थिए ।
नेता नेपाल पक्षका सांसदले नेपाली कांग्रेसका सभापति शेरबहादुर देउवाको पक्षमा हस्ताक्षर गरेपछि चर्किएको विवाद समाधानका लागि प्रयास भइरहेको छ ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४