काठमाडौं – सत्तारुढ दल नेकपा एमालेमा विवाद चर्किएका बेला आईतबार राति उपाध्यक्ष भीम रावलले अध्यक्ष तथा प्रधानमन्त्री केपी शर्मा ओलीलाई भेटेपछि सहमति जुटेको छ ।

स्रोतका अनुसार दुवै पक्षबीच अदालतको फैसलालाई स्वीकारेर अगाडि बढ्ने सहमति भएको छ ।

सर्वाेच्च अदालतले प्रतिनिधिसभा पुनर्स्थापना गरेको अवस्थामा पनि नेता माधवकुमार नेपाल पक्षले ओलीलाई नै प्रधानमन्त्री मान्ने भएको छ । नेपाली कांग्रेसका सभापति शेरबहादुर देउवाका पक्षमा एमालेका सांसदले गरेको हस्ताक्षर अदालतको फैसलासम्म मात्रै कायम रहने र त्यसपछि सबै सांसद ओलीको पक्षमा फर्किने सहमति जुटेको स्रोतले जनाएको छ ।

बालुवाटारमा जुटेको सहमतिलाई अन्तिम रूपमा दिन यसअघि नै ओली र नेपालले गठन गरेका औपचारिक कार्यदलको बैठक बसेको छ । सोमबार बसेको बैठकको नेतृत्व ओली पक्षबाट सुवासचन्द्र नेम्वाङ र नेपाल पक्षबाट भीम रावलले गरेका छन् ।

पार्टीमा विवाद समाधानका लागि सकारात्मक प्रगति भएपछि कार्यदल ब्युँताइएको छ । भीम रावलले आईतवार राति अध्यक्ष ओलीसँग भेटेपछि कार्यदल ब्युँतिएको छ ।

सर्वोच्च अदालतमा प्रतिनिधिसभा विघटन विरुद्धको मुद्दामाथिको बहस सकिएकाले त्यसबारे अदालतको फैसला बमोजिम पार्टीले संस्थागत निर्णय गरेर अघि बढ्ने सहमति भएको स्रोतले जनाएको छ ।

अदालतले प्रतिनिधिसभा पुनर्स्थापना गरेमा माधवकुमार नेपाललाई सम्मानजनक स्थान दिएर केपी ओलीको सरकारलाई निरन्तरता दिने विषयमा समेत सहमति जुटेको छ ।

एमालेका सबै संरचनाहरु विक्रम संवत् २०७५ जेठ २ गतेकै अवस्थाबाट अघि बढाउन सहमति जुटिसकेको छ । दुबै पक्षका टोली सदस्यबीच ३ बुँदे सहमतिको खाका टुंग्याउन छलफल चलिरहेको स्रोतले जनाएको छ ।

वार्ता कार्यदलमा ओली पक्षबाट नेम्बाङसहित विष्णु पौडेल, शंकर पोखरेल र प्रदीप ज्ञवाली छन् भने नेपाल पक्षबाट संयोजक भीम रावलसहित घनश्याम भुसाल, सुरेन्द्र पाण्डे र गोकर्ण विष्ट रहेका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

केपी ओलीलाई र्‍याखर्‍याख्ती पार्ने प्लान : ७० करोड घुसकाण्डदेखि अपहरण काण्ड चर्किने !

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध

प्रचण्डसँग मिलेर केपी ओलीले दिए कडा निर्देशन, विरोध उत्रेका सांसद के गर्लान् ?