मंगलवार, आषाढ ८ २०७८Jun 22 2021

Logo
images
images
images
images

एसईईको नतिजा निकाल्न कार्यविधि बनाइँदै, ११ र १२ कक्षाको परीक्षा के हुन्छ ?

एसईईको नतिजा निकाल्न कार्यविधि बनाइँदै, ११ र १२ कक्षाको परीक्षा के हुन्छ ?

  • मिडिया डबली
  • आइतवार, जेठ २३ २०७८

  • 732
    SHARES

  • एसईईको नतिजा निकाल्न कार्यविधि बनाइँदै, ११ र १२ कक्षाको परीक्षा के हुन्छ ?

    काठमाडौं – राष्ट्रिय परीक्षा बोर्डले माध्यमिक शिक्षा परीक्षा (एसईई) को नतिजा विद्यालयले गर्ने आन्तरिक मूल्यांकनका आधारमा प्रकाशित गर्ने कार्यविधि जेठभित्रै जारी गर्ने भएको छ ।

    विद्यालय र शिक्षकलाई विद्यार्थीको आन्तरिक मूल्यांकन कसरी गर्ने भनेर नीतिगत रुपमा सहज बनाउन बोर्डले कार्यविधि बनाउन लागेको हो ।

    images
    images

    बोर्डका अध्यक्ष प्रा. चन्द्रमणि पौडेलले कार्यविधिका विषयमा छलफल भइरहेको जानकारी दिँदै यसै महिनाभित्र सार्वजनिक गरिने बताए । विशेषगरी विद्यार्थीको मूल्यांकनमा नम्बर कसरी दिने भन्ने मापदण्ड निर्धारण, विद्यालयमा यसका लागि कस्तो खालको संरचना हुने, मूल्यांकनमा को जिम्मेवार हुने लगायतका विषय स्पष्ट पार्ने काम कार्यविधिले गर्ने जनाइएको छ ।

    सरकारले गत वर्ष पनि विद्यालयले गर्ने आन्तरिक मूल्यांकनका लागि कार्यविधि बनाएको थियो । कार्यविधिमा केही परिवर्तन गरी यस पटक कार्यविधि जारी गर्ने उनले जानकारी दिए । गत वर्षको कार्यविधिमा शिक्षकले गरेका कतिपय मूल्यांकनका कारण आलोचना गरिएको थियो ।

    गत सोमवारको मन्त्रिपरिषद्को बैठकले विद्यालयले आन्तरिक मूल्यांकनबाट एसईई परीक्षा गर्ने नीतिगत निर्णय गरिसकेको छ । कोरोना भाइरस संक्रमणका कारण पाठ्यक्रम तथा विशिष्टीकरण तालिकाअनुसार विद्यार्थीको भौतिक उपस्थितिमा परीक्षा सञ्चालन हुन नसक्ने निचोड निकाल्दै सरकारले यस खालको नीतिगत परिवर्तन गरेको थियो ।

    अब कार्यविधि जारी गरेपछि विद्यालयलाई विद्यार्थीको मूल्यांकन गरिसक्न २ हप्ताको समय दिने बोर्डको तयारी छ । विद्यालयद्वारा गरिएको अन्तिम मूल्यांकनको विवरण सम्बन्धित जिल्लाको शिक्षा तथा समन्वय ईकाइमा पठाउने र समन्वय ईकाइले प्रमाणित गरी बोर्डमा पठाउनुपर्ने छ ।

    बोर्डमा देशभरका विद्यालयबाट प्राप्त विवरण अद्यावधिक गरी विद्यार्थीको अन्तिम परीक्षाफल तयारी तथा प्रकाशन, प्रमाणीकरण र प्रमाणपत्र जारी गरिने छ । बोर्डलाई काम गर्न २० दिनको हाराहारीमा लाग्ने प्रारम्भिक अनुमान छ ।

    गत वर्ष शिक्षकको आन्तरिक मूल्यांकनमा केही समस्या भएको भन्दै बोर्डले परीक्षाफलको प्रकाशनका केही दिन विलम्ब गरेको थियो ।

    ११ कक्षामा अध्ययन गर्ने विद्यार्थीको अन्तिम मूल्यांकन भने विद्यालयले नै गर्नेछन् । सरकारले गत वर्ष नै नीतिगत निर्णय गर्दै विद्यालयलाई अधिकार दिइसकेको छ । १२ कक्षाको परीक्षाको विषयमा भने कुनै निर्णय गरिएको छैन ।

    बोर्डले १२ कक्षाको परीक्षा सञ्चालन समेत वैकल्पिक विधिबाट गर्ने प्रस्ताव गरे पनि सरकारले यस विषयमा कुनै निर्णय गरेको छैन । गत वर्ष १२ कक्षामा बोर्डले ४० अंकको लिखित परीक्षा लिएको थियो । त्यसबाहेक विद्यार्थीको आन्तरिक मूल्यांकन र ११ कक्षाको नतिजालाई समेत आधार मानिएको थियो ।

    केही महिना कुरेर भए पनि पुरानै मोडलबाट १२ कक्षाको परीक्षा हुने सम्भावना रहेको जनाइएको छ । आजको गोरखापत्र दैनिकमा समाचार प्रकाशित छ ।

    images
    images
    images

    मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

    सोमवार, जेठ ३१ २०७८०९:१४:३२

    मिडिया डबली

    ट्रेन्डिङ
    Logo
    • डबली नेटवर्क्स प्रा.लि, अनामनगर, काठमाडौँ

    • फोन नम्बर :९८०११२३३७१
    • [email protected]
    • वेबसाईट: www.mediadabali.com
    • सूचना विभाग दर्ता नं.::१८१/ ०७३ -०७४
    • प्रधान सम्पादक

    • कृष्ण प्रसाद पहाडी
    • सम्पादक

    • शोभाकान्त सापकोटा
    • साइट

    • बिनोद भट्टराई
    • क्यामरा पर्सन

    • सुनिल क्षेत्री
    • संवाददाताहरु

    • निर्मला पौडेल
    • अमृत चापागाई
    • अर्जुन पहाडी
    • खिमबहादुर गौतम
    • आकृति थापा क्षेत्री

    Copyright © All right reserved to Dabali Networks P. LTD. Site By: SobizTrend Technology