काठमाडौं – कम्युनिस्ट प्रधानमन्त्री केपी शर्मा ओलीले नियुक्ति दिनेले बदर पनि गरिदिन सक्ने तर्क गर्दै नेकपा प्रचण्ड–नेपाल पक्षमा लागेका केन्द्रीय सदस्यदेखि सांसदहरूलाई कारवाही गरिदिने धम्की दिएका छन् ।

आफूविरुद्ध कुनै प्रस्ताव अगाडि बढेमा प्रचण्डको पछि लागेका सबै सांसदमाथि कारवाही गर्ने ओलीको तयारी रहेको छ ।

सोमवार पोखरामा आयोजित आफू पक्षीय नेकपाको गण्डकी प्रदेशस्तरीय भेलालाई सम्बोधन गर्दै प्रधानमन्त्री ओलीले हालसम्म आफूले देव गुरुङबाहेक कसैलाई नहटाएको भन्दै आवश्यक परे सबैलाई हटाइदिन सक्ने चेतावनी दिए ।

ओलीले पार्टी एकताका क्रममा आफूले सबैलाई भागबण्डाको आधारमा नियुक्ति दिएकाले ती सबैलाई नियुक्ति गर्नेले हटाउन पनि सक्ने तर्क गरेका छन् ।

आफूले अल्पमत र बहुमतको कुनै हिसाब नगरी पार्टी एकताका बेलामा प्रचण्ड–नेपाल पक्षलाई भाग दिएको दाबी ओलीले गरे । तर एकीकरण गरिसक्ने बित्तिकै प्रचण्डहरूले आफ्नो धन्दा सुरू गरेको ओलीको आरोप छ ।

पार्टी कब्जा गर्ने, आन्दोलन बिगार्ने र देशमा कम्फर्टेबल सरकार बनाउन प्रचण्ड–नेपाल लागिपरेको भन्दै ओलीले उनीहरूले देश र जनताको लागि नभइ कसैको लागि कन्फर्टेबल हुने सरकार चाहेको स्मरण गराएका छन् ।

प्रधानमन्त्री ओलीले आफूहरू सही बाटो हिँडेको दाबी समेत गरे । ओलीले आन्दोलनमा उतारचढाव हुने भन्दै साना–मसिना कुरामा नअल्झिई आफ्नो बाटोमा निरन्तर अघि बढ्नुपर्ने बताएका छन् ।

कार्यक्रममा ओलीले नेकपाको प्रचण्ड–नेपाल पक्षको चर्को आलोचना गरेका छन् । ‘उनीहरूले भनिरहेका छन् केन्द्रीय कमिटीमा हाम्रो बहुमत छ, त्यो बहुमत त मैले नै दिएको बहुमत हो । कुनै चुनाव जितेर आएको कमिटी थियो र यो ?’ ओलीले भने, ‘पार्टीको एकताका लागि देश बनाउनका लागि दिएको । तर उनीहरू षड्यन्त्रपूर्ण ढंगले त्यतिबेला बार्गेनिङ गर्दै हुनुहुन्थ्यो, किन भनेको त पार्टी बिगार्ने र देश बिगार्नेको उद्देश्य पो रैछ ।’

नेकपा प्रचण्ड–नेपाल पक्षले कारबाहीको जे जति तमासा गरे पनि आफू पार्टीमा आधिकारिक रहेको भन्दै विधिवत् रूपमा अध्यक्ष र संसदीय दलको नेता फेर्न समेत चुनौती दिएका छन् । 

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

प्रधानमन्त्री बन्न वामदेव गौतमले निकाले अर्काे नयाँ ‘आइडिया’ !

ईश्वर पोखरेलले प्रचण्डलाई बोकाए ठूलो दोषको भारी !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

नेकपा फुट्नै लागेको हो ? किसुनजीलाई सम्झिँदै नारायणकाजीले गरे भावुक खुलासा