काठमाडौं – विभिन्न सामाजिक गतिविधिमा सक्रिय भइरहेकी अभिनेत्री तथा सामाजिक अभियन्ता मनीषा कोइरालालाई नेपाल एकीकरण गर्ने राजा पृथ्वीनारायण शाहको २९९ औं जन्मजयन्तीका अवसरमा सिंहदरबारअघि रहेको पृथ्वीनारायण शाहको सालिकमा माल्यार्पण गरी श्रद्धाञ्जलि दिन कम्युनिस्ट प्रधानमन्त्री केपी शर्मा ओली नेतृत्वको प्रशासनले अवरोध गरेको छ ।

केही दिन अघिदेखि नै पृथ्वी जयन्तीका दिन मनीषाले सबैलाई एकताबद्ध हुन आग्रह गर्दै पृथ्वीनारायण शाहको स्मरण गर्न र उनीप्रति सम्मान व्यक्त गर्न आह्वान गर्दै आएकी थिइन् । तर सरकारले उनलाई नै अवरोध गरेको छ ।

सोमवार पृथ्वी जयन्तीको अवसरमा रत्नपार्कबाट एउटा समूहको नेतृत्व गरी पृथ्वीनारायण शाहप्रति श्रद्धाञ्जलि दिन सिंहदरबारतर्फ जाँदै गर्दा मनीषालाई भद्रकालीमै  अवरोध भएको हो । ‘मलाई भद्रकालीमा रोकियो, राष्ट्रको नायकप्रति श्रद्धाञ्जलिसम्म दिन दिइएन,’ कोइरालाले भनिन् ।

भद्रकालीबाट प्रहरीले सानो समूहबाट मात्र मानिसहरूलाई सिंहदरबारतर्फ जान दिएको उनले गुनासो गरिन् । श्रद्धाञ्जलिका लागि तयार गरिएका मालाहरू चुँडालिएका र प्रहरीले सहभागीलाई भद्रकालीमै अवरोध गरेको सहभागीहरूले जनाएका छन् ।

‘पृथ्वी जयन्तीका दिन धेरै मानिस भेला हुन नपाउन् भनेर प्रशासनले गरेको नियोजित षड्यन्त्र हो यो,’ एक सहभागीले आक्रोश पोखे ।

पृथ्वीनारायणप्रति श्रद्धाञ्जलि दिँदै मनीषाले सिंहदरबारमा आफ्ना केही अभिव्यक्ति राख्ने तयारी समेत गरेकी थिइन् । ‘मैले राष्ट्रनायकप्रति श्रद्धाञ्जलि दिन चाहेको थिएँ तर प्रशासनले रोक्यो,’ मनीषाले गुनासो पोखिन् ।

सरकारले मनीषलाई अवरोध गरेर जनतासँग किन निहुँ खोज्यो भन्ने कसैले अनुमान लगाउन सकेका छैनन् । 

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

केपी ओलीलाई र्‍याखर्‍याख्ती पार्ने प्लान : ७० करोड घुसकाण्डदेखि अपहरण काण्ड चर्किने !

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध

प्रचण्डसँग मिलेर केपी ओलीले दिए कडा निर्देशन, विरोध उत्रेका सांसद के गर्लान् ?