काठमाडौं – नेपाल कम्युनिस्ट पार्टी (नेकपा) फुटेपछि भएको निर्वाचनबाट २ नम्बर प्रदेश संसदीय दलको नेतामा शत्रुघन महतो चयन भएका छन् ।

यसअघि प्रधानमन्त्री केपी शर्मा ओली पक्षीय नेता सत्यनारायण मण्डलविरुद्ध दर्ता भएको अविश्वासको प्रस्ताव नेकपा प्रदेश संसदीय दलको बैठकबाट पारित भएको थियो । नवनिर्वाचित नेता महतो प्रचण्ड–नेपाल पक्षीय नेता हुन् ।

नेकपा दलको नेता चयन भएसँगै महतो प्रदेश सभामा प्रमुख प्रतिपक्षी दलको नेता बनेका छन् । नेकपा प्रदेश संसदीय दलको नेतामा नवनिर्वाचित महतोलाई प्रदेशसभा सचिवालयले प्रमुख विपक्षी दलको नेताको मान्यता दिएको सभामुख सरोजकुमार यादवले बताएका छन् ।

मण्डलविरुद्ध अविश्वास प्रस्ताव पारित भएपछि नयाँ नेता छान्न मंगलबारै निर्वाचन कार्यक्रम सार्वजनिक गरिएको थियो । निर्वाचन कार्यक्रम अन्तर्गत मंगलबार दिउँसो २ बजेसम्म मनोनयन दर्ता र २ः४५ बजे उम्मेदवारको अन्तिम नामावली प्रकाशन गर्ने समय निर्धारण गरिएकोमा महतोको मात्रै उम्मेदवारी परेकाले निर्विरोध चयन गरिएको निर्वाचन संयोजक जगतप्रसाद यादवले जानकारी दिए ।

महतोलाई दल नेता चयन गर्न बहुमत १९ जना सांसदको समर्थन रहेको उपनेता रामकुमार यादवले बताएका छन् । प्रदेशमा नेकपाका ३२ जना सांसद रहेका छन् ।

प्रधानमन्त्री ओली पक्षधर मण्डल लगायतका सांसद प्रदेश संसदीय दलको बैठकदेखि निर्वाचन प्रक्रियासम्म सहभागी भएका छैनन् । अल्पमतमा परेका ओली पक्षीय सांसदहरू गायब भएका छन् ।

मंगलबारै बसेको नेकपा प्रदेश संसदीय दलको बैठकले मण्डल विरुद्धको अविश्वासको प्रस्ताव पारित गरेको थियो । उपनेता रामकुमार यादवको अध्यक्षतामा बसेको दलको बैठकले अविश्वास प्रस्ताव पारित गरेको जनाइएको छ ।

प्रचण्ड–नेपाल पक्षले चुनावबाटै ओली पक्षलाई हराएपछि देशभर तरङ्ग फैलिएको छ । प्रचण्ड–नेपाल पक्षीय नेता कार्यकर्ता हौसिएका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

प्रधानमन्त्री बन्न वामदेव गौतमले निकाले अर्काे नयाँ ‘आइडिया’ !

ईश्वर पोखरेलले प्रचण्डलाई बोकाए ठूलो दोषको भारी !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

नेकपा फुट्नै लागेको हो ? किसुनजीलाई सम्झिँदै नारायणकाजीले गरे भावुक खुलासा