काठमाडौं – विभाजित नेपाल कम्युनिस्ट पार्टी (नेकपा) प्रचण्ड–नेपाल समूह सरकार विरुद्धको आन्दोलनमा एक्लै जाने भएको छ ।

कांग्रेस र जनता समाजवादी पार्टीले संयुक्त आन्दोलनको प्रस्तावलाई अस्वीकार गरेपछि सो समूह आन्दोलनका कार्यक्रम लिएर एक्लै संघर्षमा उत्रन लागेको हो ।

पुस १४ गते देशभर एकसाथ विरोधसभा गरेको सो समूहले संघर्षका थप कार्यक्रमका लागि प्रमुख प्रतिपक्षी दल नेपाली कांग्रेस र जनता समाजवादी पार्टीसँग सहकार्य गरेर संयुक्त आन्दोलनको कार्यक्रम घोषणा गर्ने तयारी गरेको थियो । तर ती दलले संयुक्त आन्दोलनप्रति रुचि नदेखाएपछि एकल रूपमा संघर्षका कार्यक्रम घोषणाको तयारीमा प्रचण्ड–नेपाल समूह लागेको हो । अहिले जिल्ला–जिल्लामा प्रतिनिधिसभा विघटनविरुद्ध सो समूहको प्रदर्शन भइरहेको छ ।

सबै जनवर्गीय संगठन र मोर्चा संगठनका केन्द्रीय बैठक र भेला पनि भइरहेका छन् । पुस २० गते सबै नगरपालिका र गाउँपालिकासम्म पार्टी बैठक र भेला तथा पुस २५ गते सबै वडामा बैठक र भेला गर्ने प्रचण्ड–नेपाल समूहले जनाएको छ ।

सो समूहका पार्टी अध्यक्षद्वय पुष्पकमल दाहाल ‘प्रचण्ड’ र माधवकुमार नेपालले पुस १५ गते नै सरकारविरुद्ध आन्दोलनका लागि थप कार्यक्रम घोषणा गर्ने बताएका थिए । तर बुधवार सो समूहको स्थायी कमिटीको बैठक नै बस्न सकेन । प्रचण्डपत्नी सीता दाहाल बिरामी परेका कारण स्थायी कमिटीको बैठक बस्न नसकेको बताइएको छ । तर सो पार्टीका एक नेताका अनुसार कांग्रेसले सुरूमा संयुक्त आन्दोलनका लागि ‘ग्रिन सिग्नल’ दिएको थियो ।

बिहीवार र शुक्रवार भएका अनौपचारिक भेटघाटमा कांग्रेस र जसपाका नेताहरुले संयुक्त आन्दोलनप्रति रुचि नदेखाएपछि संघर्ष समितिको बैठकबाट शनिवार वा आइतवार संघर्षका अन्य कार्यक्रम घोषणा गर्ने तयारी भइरहेको छ । संघर्ष समितिका सचिव सूर्य सुवेदीका अनुसार केही दिनमा समितिको बैठकबाट आन्दोलनका थप कार्यक्रमको घोषणा हुनेछ ।

प्रचण्ड–नेपाल समूहका धेरैजसो केन्द्रीय सदस्य तथा सांसद जिल्ला–जिल्लामा खटिएका छन् । उनीहरूले आफ्नो कार्यक्षेत्रमा परेका सबै कमिटीको बैठक र भेला राख्दै पार्टी विभाजनको औचित्यबारे प्रस्ट्याइहेका छन् ।  

प्रधानमन्त्री केपी शर्मा ओलीले प्रतिनिधिसभा विघटन गरेपछि सत्तारूढ दल विभाजित भएर प्रचण्ड–नेपाल समूह बनेको थियो । सो समूहले पहिलो चरणको कार्यक्रमअन्तर्गत देशभर विरोधका कार्यक्रमहरु गरिरहेका छन् ।

आन्दोलनको कमान्डरका रूपमा पार्टीका प्रवक्ता रहेका नारायणकाजी श्रेष्ठलाई तोकिएको छ । संसद् पुनःस्थापनासहितका विभिन्न माग राखेर प्रचण्ड–नेपाल समूहले देशभर आन्दोलन गरिरहँदा कांग्रेस र जसपाले पनि सरकारको विरोध गरेपछि संयुक्त आन्दोलनको प्रस्ताव गरिएको थियो । संयुक्त आन्दोलनका लागि पहिलो चरणमा कांग्रेस पार्टी कार्यालयमा संयुक्त बैठक बसे पनि त्यसले कुनै ठोस प्रस्ताव गरेको थिएन ।

कांग्रेसले पुस १३ गते र नेकपा प्रचण्ड–नेपाल समूहले १४ गते अलगअलग विरोध प्रदर्शन गरेका थिए । ‘कांग्रेस र जसपासँग संयुक्त संघर्ष समिति बनाएर जाने कुराकानी चलिरहेको छ । त्यसकारण आन्दोलनका कार्यक्रम घोषणामा हुन ढिलाइ भएको हो,’ संघर्ष समितिका सचिव सुवेदीले भने । उनका अनुसार अबको केही दिनमै संघर्ष समितिको कार्यक्रम घोषणा हुनेछ ।

प्रधानमन्त्री ओली समूहलाई काउन्टर दिनेगरी दाहाल–नेपाल समूहले तल्लो तहसम्म कार्यक्रमहरू आयोजना गरिरहेको छ । गाउँपालिकास्तरमै कार्यकर्ता भेला गरेर पार्टी विभाजन हुनुको कारणबारे कार्यकर्तालाई प्रशिक्षण गर्ने काम भइरहेको जनाइएको छ ।  

प्रधानमन्त्री ओली समूहले पनि प्रचण्ड–नेपाल समूहलाई काउन्टर दिने गरी युवा विद्यार्थी तथा जिल्लास्तरीय भेला प्रशिक्षणहरू गरिरहेको छ । देशभर कार्यक्रम गर्ने उद्देश्यले ओली समूहले गृहमन्त्री समेत रहेका रामबहादुर थापा ‘प्रचण्ड’लाई अघि सारेर कार्यकर्तामाझ पठाएको छ । बिहीवार र शुक्रवार भएका कार्यक्रममा गृहमन्त्री थापा प्रमुख वक्ता भएर सहभागी भएका थिए ।

शनिवार काठमाडौंको कमलादीमा हुने कार्यक्रममा पनि थापा नै प्रमुख वक्ता हुनेछन् । शुक्रबार ललितपुर नगर कमिटीको कार्यक्रममा उनी प्रमुख वक्ता थिए भने शनिवार काठमाडौ जिल्ला कमिटीले आयोजना गर्ने कार्यक्रममा पनि वक्ताका रूपमै थापा सहभागी हुँदैछन् । आजको नागरिक दैनिकमा समाचार प्रकाशित छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

प्रधानमन्त्री बन्न वामदेव गौतमले निकाले अर्काे नयाँ ‘आइडिया’ !

ईश्वर पोखरेलले प्रचण्डलाई बोकाए ठूलो दोषको भारी !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

कांग्रेस नेता महर्जनको खाना खुवाउने अभियानमा कराँते चेलाको सहयोग