काठमाडौं – कम्युनिस्ट प्रधानमन्त्री केपी शर्मा ओलीले बुधबारको नेकपा स्थायी कमिटी बैठकमा संवैधानिक परिषद् सम्बन्धी विवादास्पद अध्यादेश फिर्ता लिने वचन दिएपनि अहिले आनाकानी गरेपछि अर्का अध्यक्ष पुष्पकमल दाहाल ‘प्रचण्ड’ पक्षले पार्टीको आपतकालीन बैठक बोलाउनेसम्मको तयारी गरेको छ ।

अध्यादेश जारी गर्दा फटाफट हुने गरेपनि फिर्ता गर्नुपर्ने विषयमा ओलीले आनाकानी गरिरहेका छन् । बिहीबार बालुवाटारमा अध्यक्षद्वय ओली र प्रचण्डबीच भएको भेटमा ओलीले राष्ट्रपति विद्यादेवी भण्डारीलाई भेटेपछि मात्रै अध्यादेश फिर्ता लिने अडान लिएका छन् ।

बिहीबार साँझ ६ बजेका लागि बोलाइएको मन्त्रिपरिषद् बैठकबाट अध्यादेश फिर्ता लिने निर्णय नभए ओलीविरुद्ध पार्टीको आपतकालीन बैठक बोलाएर कडा निर्णय लिनेसम्मको तयारी रहेको वरिष्ठ नेता माधवकुमार नेपाल पक्षीय एक नेताले बताए । प्रचण्ड–नेपाल पक्षीय नेताहरू एक ठाउँमा जुटेर ओलीको मनपरीविरुद्ध रणनीति बनाइरहेका छन् ।

हिजो पुस १ गतेको स्थायी कमिटी बैठकले अर्काे बैठक पुस ५ गते बस्ने निर्णय गरेपनि ओलीले तत्कालै अध्यादेश फिर्ता नलिए आपतकालीन बैठक बस्नसक्ने ती नेताले बताए । ओलीले अध्यादेश फिर्ता लिन ढिलाइ गर्दा नेकपा फुटको संघारमा पुग्ने देखिएको छ ।

बिहीबार बालुवाटारमा प्रधानमन्त्री ओलीलाई भेटेर फर्किएपछि खुमलटारमा आफू निकटका नेतासँग छलफल गर्दै प्रचण्डले ओलीको पछिल्लो अडानबारे जानकारी गराएका छन् । प्रधानमन्त्रीले अहिले पनि अध्यादेश फिर्ता लिन आनाकानी गरिरहेको प्रचण्डले जनाएका छन् ।

ओलीले राष्ट्रपति विद्यादेवी भण्डारीलाई नभेट्दासम्म संवैधानिक परिषद् सम्बन्धी अध्यादेश फिर्ता नलिने अडान लिएका छन् । बुधबारको नेकपा स्थायी कमिटी बैठकमा अध्यादेश फिर्ता लिने वचन दिएपनि ओलीले बिहीबार साँझसम्म अध्यादेश फिर्ता लिएका छैनन् । 

विवादास्पद अध्यादेश फिर्ता नलिई आज बिहीबार साँझ ५ बजे संवैधानिक परिषद्को बैठक आह्वान गरिएपछि आक्रोशित बनेका प्रचण्ड ओलीलाई भेट्न बालुवाटार पुगेका थिए । प्रचण्ड बालुवाटार पुगेपछि ओलीले बैठक स्थगित गरेका छन् तर अध्यादेश फिर्ता लिएका छैनन् ।

अध्यक्ष प्रचण्डले बिहीबारै साँझ ६ बजे बोलाइएको मन्त्रिपरिषद् बैठकबाट संवैधानिक परिषद् सम्बन्धी अध्यादेश फिर्ता लिन भनेका थिए । तर ओलीले एकपटक राष्ट्रपतिलाई भेटेपछि मात्रै फिर्ता लिने जनाएका छन् ।

ओलीले अध्यादेश सिफारिस गरेर राष्ट्रपति भण्डारीले फटाफट जारी गर्ने भएपनि फिर्ता लिने प्रक्रियामा भने ढिलाइ गरिरहेका छन् । अध्यादेश फिर्ता लिन मन्त्रिपरिषद् बैठकपछि राष्ट्रपतिबाट अध्यादेश फिर्ताको औपचारिक निर्णय गर्नुपर्ने प्रावधान रहेको छ । 

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

प्रधानमन्त्री बन्न वामदेव गौतमले निकाले अर्काे नयाँ ‘आइडिया’ !

ईश्वर पोखरेलले प्रचण्डलाई बोकाए ठूलो दोषको भारी !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

नेकपा फुट्नै लागेको हो ? किसुनजीलाई सम्झिँदै नारायणकाजीले गरे भावुक खुलासा