संसद् सुचारु भए आफूविरुद्ध अविश्वासको प्रस्ताव आउने ओलीलाई डर, सभामुखलाई दिए दबाब
संसद् सुचारु भए आफूविरुद्ध अविश्वासको प्रस्ताव आउने ओलीलाई डर, सभामुखलाई दिए दबाब
काठमाडौं - सभामुख अग्निप्रसाद सापकोटाले संसद् बोलाउने अभिव्यक्ति दिएपछि प्रधानमन्त्री केपी ओली तनावमा परेका छन् ।
संसद् अधिवेशन अन्त्य भएको ६ महिनाभित्र अर्को अधिवेशन बोलाउनै पर्ने संवैधानिक बाध्यता छ । सोही कारण पुस १८ गतेभित्र संसद्को हिउँदे अधिवेशन बोलाउने गृहकार्यमा सभामुख लागेपछि बालुवाटारमा छटपटी बढेको छ । आफू अनुकूल सभामुख नहुँदा उनी संसदमा समेत अप्ठयारो अवस्थामा पुगेका हुन् ।
सभामुख संसद् अधिवेशन बोलाउन चाहने र प्रधानमन्त्री ओली पछि टार्ने लफडा सुरु हुने भएको छ । पार्टीमा सचिवालय, स्थायी कमिटी बैठकमा एक्लो परेका ओलीलाई नेकपा कार्यकारी अध्यक्ष पुष्पकमल दाहाल प्रचण्ड निकट मानिने सभामुख सापकोटाले संसदमा तनाव दिने संकेत देखिएको छ ।
संसद् बन्द गर्दा सरकारप्रति सांसदले आलोचना गर्न पाएका छैनन् । त्यसैले सरकार ढुक्क थियो । तर, अब संसद् सुरु भएमा विपक्षी दलका मात्र होइन, आफ्नै दलका सांसदले पनि सरकारको आलोचना गर्ने मात्र होइन, संसद्मै राजीनामा माग्न सक्ने डर ओलीमा देखिएको छ ।
त्यसैले अहिले द्वन्द्वकालीन मुद्दाको डर बालुवाटारले देखाउन थालेको छ । यसको संकेत परराष्ट्रमन्त्री प्रदीप ज्ञवालीमार्फत सार्वजनिक गरिसकिएको छ । उनले द्वन्द्वकालीन मुद्दाका अभियुक्तलाई आममाफी नदिइने, मुद्दा चलाएर कारबाही गर्ने चेतावनी दिएका छन् । सभामुख सापकोटाविरुद्ध हत्या अभियोग अदालतमा विचाराधीन छ ।
आइतबार १४ औं संघीय संसद् सेवा दिवसको अवसरमा आयोजित कार्यक्रमलाई सम्बोधन गर्दै सभामुख सापकोटाले संवैधानिक बाध्यता भएअनुसार पुस १८ गतेभित्र संसद अधिवेशन आव्हान हुने स्पष्ट पारेका थिए । उनले भने, ‘हामी विधेयक अधिवेशनको तयारी गर्दैछौं । अब पुस १७–१८ गते बेलाउनै पर्ने संवैधानिक बाध्यता छ । त्यो माथि अलि नयाँ ढंगले चलाउनुपर्छ । म आग्रह गर्न चाहन्छु कि हामीले संविधान क्रमभंग गरेरै बोलाउनुपर्छ ।’
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४