काठमाडौं - नेपाली कांग्रेसको १५औँ महाधिवेशनअन्तर्गत नेपाली जनसम्पर्क समितितर्फका विभिन्न कोटा तथा क्षेत्रीय पदको मतगणनामा सीता सापकोटा घिमिरे, बालकृष्ण पाण्डे, जितेन्द्र विक्रम शाहीसहितका उम्मेदवारले अग्रता कायम गरेका छन्।

प्राप्त मतगणना विवरणअनुसार कुल ६ हजार ८७७ मत गणना हुँदा ४१ मत बदर भएका छन्। महिला पददेखि भारत, युरोप, ओसियाना–अमेरिका, मध्यपूर्व र प्यासिफिक क्षेत्रसम्मका उम्मेदवारबीच प्रतिस्पर्धा भइरहेको छ।

महिला पदमा सीता सापकोटा पहिलो

महिलातर्फ दुई जना निर्वाचित हुने व्यवस्था छ। हालसम्मको मतपरिणामअनुसार सीता सापकोटा घिमिरे ३ हजार ११३ मतसहित पहिलो स्थानमा छन्। चन्द्रा अधिकारी (चन्दा) २ हजार ८९६ मतसहित दोस्रो स्थानमा छिन्।

त्यस्तै, रविना थापाले २ हजार ५०६, निर्मला थापा मगरले २ हजार १३९ र नन्दिकुमारी न्यौपानेले ९९४ मत प्राप्त गरेका छन्।

भारत क्षेत्रमा बालकृष्ण पाण्डेको फराकिलो अग्रता

भारत क्षेत्रबाट एक जना निर्वाचित हुने प्रतिस्पर्धामा बालकृष्ण पाण्डेले ३ हजार ८२७ मत प्राप्त गरेका छन्। उनका प्रतिस्पर्धी धर्मागत काफ्लेले २ हजार ४३३ मत पाएका छन्। प्राप्त विवरणअनुसार पाण्डेले आफ्नो अग्रता फराकिलो बनाएका छन्।

युरोप क्षेत्रमा जितेन्द्र विक्रम शाही अगाडि

युरोप क्षेत्रबाट एक जना निर्वाचित हुने प्रतिस्पर्धामा जितेन्द्र विक्रम शाही १ हजार ४१२ मतसहित पहिलो स्थानमा छन्।

विजय मोक्तानले ९७०, अंकित ओलीले ८९७, शालिकराम गौतमले ७२६, टंक लम्सालले ५९१, पूर्ण तिमिल्सिनाले ५३६, पूर्णबहादुर हमालले ४७८, इन्द्रप्रसाद शर्माले ४७५ र शशीभूषण शाहले ४५२ मत प्राप्त गरेका छन्।

ओसियाना–अमेरिकामा विद्याभूषण कार्की अगाडि

ओसियाना–अमेरिका क्षेत्रबाट एक जना निर्वाचित हुने प्रतिस्पर्धामा सिए. विद्याभूषण कार्कीले १ हजार ९३४ मत प्राप्त गर्दै अग्रता कायम गरेका छन्।

रामजीवि पन्थले १ हजार ६३५, कञ्चन पोखरेलले १ हजार २०६, अमृत बोस्तीले ९६७ र कृष्ण गिरी/जगन्नाथले ७७० मत प्राप्त गरेका छन्।

मध्यपूर्वमा पुरुषोत्तम खनालको अग्रता

मध्यपूर्व क्षेत्रबाट एक जना निर्वाचित हुने प्रतिस्पर्धामा पुरुषोत्तम खनाल २ हजार ७४ मतसहित पहिलो स्थानमा छन्। विमल सुवेदीले १ हजार ७०८, खेमराज बस्नेतले १ हजार ५५३ र रितबहादुर कटुवालले १ हजार ९८ मत प्राप्त गरेका छन्।

प्यासिफिक क्षेत्रमा डा. बलराम श्रेष्ठ अगाडि

प्यासिफिक क्षेत्रबाट एक जना निर्वाचित हुने प्रतिस्पर्धामा डा. बलराम श्रेष्ठ १ हजार ९२० मतसहित पहिलो स्थानमा छन्।

नवराज शिवाकोटीले ९१५, नारायणप्रसाद सुवेदीले ८९९, डण्डपानी कँडेल ‘डीपी’ले ८७७, सुरेश कोइरालाले ८४६, विनोदबहादुर थापाले ६३३ र चण्डीप्रसाद योड्याले ५१४ मत प्राप्त गरेका छन्।

विभिन्न क्षेत्रको मतगणनामा अग्रता लिएका उम्मेदवारको प्रतिस्पर्धालाई चासोका साथ हेरिएको छ। यद्यपि, उपलब्ध विवरणमा अन्तिम नतिजा पुष्टि नभएकाले मतगणनाको पूर्ण परिणाम सार्वजनिक भएपछि मात्रै निर्वाचित हुने उम्मेदवारको टुंगो लाग्नेछ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

कांग्रेस महाधिवेशनको दोस्रो दिन : बन्दसत्र, विधान संशोधनमाथि छलफल र उम्मेदवारी दर्ता

कांग्रेस महाधिवेशनः  बन्द सत्रको एजेन्डा तय गर्न बस्दै केन्द्रीय कार्यसमिति बैठक, नेताहरू खुलामञ्चमा

मतदानको समय फेरि सर्‍यो : कांग्रेस महाधिवेशनमा अब दिउँसो १ बजेदेखि मतदान

कांग्रेस महाधिवेशन : दिउँसो साढे १२ बजेसम्म २ हजार ६४४ मत खस्यो

कांग्रेस महाधिवेशनको मतगणना : उपसभापतिमा भण्डारी र आचार्य अगाडि, महामन्त्रीमा पौडेलको फराकिलो अग्रता

कांग्रेस महाधिवेशन : २५ समूह बनाएर मतगणना, विभिन्न पदको गणना एकैसाथ जारी