काठमाडौं - नेपाली कांग्रेस केन्द्रीय समितिको बैठक बुधबार बस्ने भएको छ । सो बैठकमा केन्द्रीय सदस्य र पदाधिकारीले राखेका प्रश्नको जवाफ सभापति शेरबहादुर देउवाले दिने भएका छन् ।

सोमबार बैठक समापन गर्ने बेला देउवाले अब बुधबारको बैठकमा मैले जवाफ दिनुपर्ने होला भनेका थिए । देउवाले केन्द्रीय सदस्यहरूले राखेका प्रश्नको मात्र होइन, महामन्त्रीद्वय गगन थापा र विश्वप्रकाश शर्माले तयार पारेको कार्ययोजनाका बारेमा पनि स्पष्ट पार्नुपर्ने छ ।

महामन्त्री थापाले सोमबार लिखित रूपमा दर्ज गराएका १३ बुँदे मतको पनि सम्बोधन गर्नुपर्ने छ । त्यसपछि बैठक केही निर्णय गर्दै सकिनेछ ।

यसपटकको केन्द्रीय समिति बैठक महामन्त्रीद्वय थापा र शर्मा आलोचनाको निशानामा रहे । खासगरी महामन्त्री थापामाथि संस्थापन पक्षका नेता र पदाधिकारीले आगो नै ओकले ।

पहिलोपटक केन्द्रीय समितिको बैठक फेसबुकबाट प्रत्यक्ष प्रसारण भइरहेको थियो । फेसबुक लाइभप्रति महामन्त्रीद्वय थापा र शर्मा नै असन्तुष्ट रहेको भन्दै खेदो खने ।

भित्र एउटा कुरा गर्ने बाहिर अर्को कुरा गर्नेको फेसबुक लाइभले वास्तविक चरित्र उजागर गर्ने संस्थापन पक्षका नेताहरूको टिप्पणी थियो । तर कांग्रेस केन्द्रीय समिति बैठकको लाइभले सबैभन्दा फाइदा महामन्त्रीद्वयलाई भयो ।

कांग्रेस केन्द्रीय सदस्य र पदाधिकारीको हैसियत कतिसम्म रहेछ भन्ने जानकारी आमजनताले देख्न र सुन्न पाए । महामन्त्री थापा र शर्मा अन्तिम दिनसम्म पनि धैयपूर्वक आफ्नो आलोचना सुनेर बसे । कसैलाई एक शब्द आलोचना पनि गरेनन् ।

विरोध पनि गरेनन् । आफूहरूमाथि भइरहेको प्रहारलाई हाँसीहाँसी जवाफ दिए । आफ्नो कार्यशैली र निर्णयप्रति डगमगाएनन् । भित्र एउटा र बाहिर एउटा बोल्छन् भन्ने जुन भ्रम थियो, त्यो सबै थापा र शर्माले चिरिदिएका छन् ।

भलै केन्द्रीय समितिमा ७० प्रतिशतभन्दा बढीको मत देउवाले जिते होलान् । प्रशंसैप्रशंसाको पुलिन्दा पाए होलान् । बधाई र धन्यवाद पनि पाए ।

तर ७० प्रतिशतभन्दा बढी नेपाली जनता र कांग्रेस कार्यकर्ताको मन महामन्त्री थापा र शर्माले जितेको टिप्पणी हुन थालेको छ । थापा र शर्माले अबको कांग्रेसको नेतृत्व शानदार ढंगले गर्नसक्ने क्षमता देखाएका छन् ।

महामन्त्री शर्माले त सभापति देउवाले आलोचना मज्जाले सुन्ने गरे पनि छायाँका रूपमा रहेका केन्द्रीय सदस्य र पदाधिकारीलाई ज्यादै पोल्ने गरेको भनेर मुटुमै प्रहार गरेका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

काठमाडौंका सडक र यातायात सुधार्न गगनका चार सुझाव, छक्क परे मन्त्री नेम्वाङ

केपी ओलीविरुद्ध संसदमा देउवाको हुँकार, सबैका सामुन्ने खोले एकसे एक पोल !

अर्थमन्त्रीलाई गगन थापाको प्रश्न : विदेशबाट फर्किने युवाका लागि ठोस योजना खै ?

कोरोना महामारीका बेला शेरबहादुर देउवाको माग : ‘एमसीसी पारित हुनुपर्छ’

पूर्व स्वास्थ्यमन्त्री गगन थापाले कोरोना रोक्न स्वास्थ्य मन्त्री ढकाललाई दिए १६ बुँदे ‘आइडिया’

शेरबहादुर देउवालाई तत्कालै चाहियो एमसीसी, पार्टी बैठकमा यस्तो बोले !