काठमाडौं - ललितपुर १ मा नेपाली कांग्रेसका प्रभावशाली केन्द्रीय सदस्य उदयशमशेर राणा विजयी भएका छन् ।

उनले एमालेका उम्मेदवार नवराज सिलवाललाई फराकिलो मतान्तरले पराजित गरे । राणाले २३ हजार आठ सय ९२ र सिलवालले १९ हजार दुई सय ६६ मत पाए । सिलवाल निवर्तमान सांसद पनि हुन् ।

२०७४ को निर्वाचनमा एमाले र माओवादी गठबन्धनका कारण सिलवाल विजयी भएका थिए । तर, यसपटक माओवादीको साथ राणाले पाएका छन् । सोही कारण ४६ सय मतान्तरले राणा विजयी भएका हुन् । अघिल्लोपटक चुनाव हारे पनि राणा चुप लागेर बसेनन् ।

उनी निर्वाचित सांसद सिलवालभन्दा बढी ललितपुर १ को विकासका लागि सक्रिय भइरहे । ललितपुरको कर्णाली मानिने दक्षिण क्षेत्रमा सडकदेखि खानेपानी आयोजनाका अधिकांश काम राणाकै पहलमा भएका हुन् ।

त्यही कारण राणाले चुनाव प्रचारका क्रममा भन्ने गरेका थिए, ‘विकास चाहिए मलाई भोट हाल्नुस्, सेलिब्रिटी चाहिए सिलवाल छान्नुस् ।’ तर, अन्तिममा जनताले राणा नै रोजेका छन् ।

गोदावरी, छम्पी, विशंखुनारायणबाहेक सिलवालले कतै पनि राणालाई मतमा अग्रता हासिल गर्न सकेनन् । चापागाउँबाट मात्रै राणाले २९ सयभन्दा मत पाएका थिए । सोही कारण उनी सानदार मतसहित संसदमा पुनः प्रवेश गर्न सफल भएका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

ओलीले खारेज गरेको सडक डिभिजन कार्यालय ललितपुर उदयशमशेरकै पहलमा पुनर्स्थापित

ललितपुर–१ मा उदय र मीनकृष्णलाई भव्य स्वागत, चुनाव जित्ने निश्चित 

ललितपुर १ मा एमालेलाई पछि पार्दै अघि बढे कांग्रेसका उदयशमशेर

एक वर्षको बैठक भत्ता नलिने कांग्रेस सांसद उदयशमशेर राणाको घोषणा

कांग्रेस महाधिवेशनमा तीन लोकप्रिय अनुहार : राणा, बानियाँ र महर्जनको केन्द्रमा छलाङ