बुधवार, आषाढ १५ २०७९Jun 29 2022

Logo
images
images
images
images

भोलिदेखि भारतलाई ३६४ मेगावाट बिजुली बेचेर दैनिक सात करोड कमाउँदै प्राधिकरण

भोलिदेखि भारतलाई ३६४ मेगावाट बिजुली बेचेर दैनिक सात करोड कमाउँदै प्राधिकरण

  • मिडिया डबली
  • बिहिवार, जेठ २६ २०७९

  • 4.7K
    SHARES

  • भोलिदेखि भारतलाई ३६४ मेगावाट बिजुली बेचेर दैनिक सात करोड कमाउँदै प्राधिकरण

    काठमाडौं - केही समयअघि भारतले ६ वटा आयोजनाबाट गरी ३६४ मेगावाट निर्यात गर्न नेपाललाई अनुमति दिएको थियो । जसअनुसार भोलि (शुक्रबार) देखि नेपाल विद्युत् प्राधिकरणले भारतलाई ३६४ मेगावाट बिजुली निर्यात गर्ने भएको छ ।

    प्राधिकरणले बिहीबार भने ३१२ मेगावाट बिजुली निर्यात गरेको र यसबाट करिब सात करोड रुपैयाँ आम्दानी भएको प्राधिकरणका कार्यकारी निर्देशक कुलमान घिसिङले जानकारी दिए ।

    images
    images
    images
    images

    मनसुन सुरु भएपछि दैनिक रुपमा बिजुली उत्पादन भइरहेको बताउँदै घिसिङले ट्वीट गर्दै भनेका छन्, ‘दैनिक रुपमा औसतमा सात करोड रुपैयाँको बिजुली निर्यात भइरहेको छ ।’

    नेपालले बिहीबार सात हजार ६ सय ८८ मेगावाट घण्टा (७६ लाख ८८ हजार युनिट) विद्युत बिक्री गरेको छ । भारतले सुरुमा त्रिशुली र देवीघाट (कूल ३९ मेगावाट) को बिजुली निर्यात गर्न अनुमति दिएको थियो । प्रधानमन्त्री शेरबहादुर देउवाको भारत भ्रमणलगत्तै थप चारवटा आयोजनाबाट उत्पादित बिजुली निर्यात गर्न सहमति दिएको थियो ।

    प्राधिकरणले बिहान र बेलुकी अत्यधिक खपत हुने समय (पिक) मा कम र पिक बेगरका समयमा धेरै परिमाण विद्युत निर्यात गर्दै आएको छ । हाल जडित क्षमता २२ सय मेगावाट भए पनि कुलेखानीको एक सय चार मेगवाट भने चौबीसै घण्टा उत्पादन हुँदैन । नेपालमा हाल चौबीसै घन्टा करिब १६ सय मेगावाट बिजुली उत्पादन भइरहेको छ । देशको विद्युत् खपत (पिकमा) १५५० मेगावाट छ ।

    भारतको प्रतिस्पर्धी बजार इण्डियन इनर्जी एक्सचेञ्ज (आईईएक्स) का हरेक १५ मिनेटको अवधिमा ९० वटा ब्लकमा बिजुली कारोबार हुने गर्छ ।

    नेपालले अधिकतम बिजुली मूल्य प्रतियुनिट १२ भारु (१९ रुपैयाँ २० पैसा), न्यूनतम २.५० भारु (४ रुपैयाँ) र औसत (क्लियरिङ प्राइस) ६.१८ भारु (९ रुपैयाँ ८८ पैसा) पाइरहेको छ ।

    मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

    बिहिवार, भाद्र ११ २०७७०७:१८:०५
    ट्रेन्डिङ
    Logo
    • डबली नेटवर्क्स प्रा.लि, अनामनगर, काठमाडौँ

    • फोन नम्बर :९८०११२३३७१
    • [email protected]
    • वेबसाईट: www.mediadabali.com
    • सूचना विभाग दर्ता नं.::१८१/ ०७३ -०७४
    • प्रधान सम्पादक

    • कृष्ण प्रसाद पहाडी
    • सम्पादक

    • शोभाकान्त सापकोटा
    • साइट

    • बिनोद भट्टराई
    • क्यामरा पर्सन

    • सुनिल क्षेत्री
    • संवाददाताहरु

    • निर्मला पौडेल
    • अमृत चापागाई
    • अर्जुन पहाडी
    • खिमबहादुर गौतम
    • आकृति थापा क्षेत्री

    Copyright © All right reserved to Dabali Networks P. LTD. Site By: SobizTrend