काठमाडौं - नेपाली कांग्रेसका सभापतिमा शेरबहादुर देउवा पुनः दोहोरिएसँगै प्रमुख दलका शीर्ष नेतृत्व पुरानै हुने निश्चित देखिएको छ । यसअघि एमालेमा केपी ओली नै अध्यक्षमा निर्वाचित भएका थिए ।

देउवा र ओली नेतृत्वमा यथावत् नै रहनुले अझै पनि नेपाली जनता युवा पुस्ताबाट त्यति धेरै आशावादी नरहेको प्रस्ट हुन्छ । बरु पूर्वपञ्चहरूको पार्टी राप्रपाले नयाँ नेतृत्व छानेर सबैलाई आश्चर्यमा पारिदियो । आगामी पुसमा माओवादी केन्द्रको राष्ट्रिय सम्मेलन हुँदैछ ।

सम्मेलनको तयारीका लागि माओवादीले वडा, पालिका, जिल्ला र प्रदेशको अधिवेशन गरिरहेको छ । माओवादीले गण्डकी प्रदेशबाहेक अन्य प्रदेशमा नयाँ नेतृत्व छान्न सकेको छैन ।

आकांक्षी धेरै हुँदा माओवादीमा पनि सकस देखिएको छ । माओवादी केन्द्रका अध्यक्ष पुष्पकमल दाहाल प्रचण्ड साढे तीन दशकदेखि नेतृत्वमा यथावत् छन् ।

पुसमा हुने राष्ट्रिय सम्मेलनबाट पनि प्रचण्ड नै दोहोरिने निश्चित छ । किनभने उनले अहिलेसम्म आफ्नो उत्तराधिकारी तयार पार्न सकेका छैनन् । पार्टी नेतृत्व छाड्दा विभिन्न अवसर गुम्ने भयका कारण नेताहरू जसरी पनि पार्टी अध्यक्ष बन्न मरिहत्ते गर्ने गरेका हुन् ।

नेकपा एकीकृत समाजवादीमा माधवकुमार नेपाल अध्यक्ष छन् । उनी विगतमा १५ वर्षसम्म एमालेको महासचिव थिए । एकीकृत समाजवादी भर्खर जन्मेकाले त्यसले नयाँ नेतृत्व पाउने आसै छैन ।

राजपामा उपेन्द्र यादव र लोसपामा महन्थ ठाकुर अध्यक्ष छन् । जो विगत १५ वर्षदेखि नेतृत्वमै रहेका छन् । यसले के देखाउँछ भने पार्टी नेतृत्व पनि एउटा सत्ता हो, त्यो सत्ता गुमाउन नेपाली नेताहरू तयार हुँदैनन् ।

जबसम्म नेताहरू नेतृत्व छाड्न मानसिक रूपमा तयार हुँदैनन्, तबसम्म नेपालको भविष्य अन्धकारमै रहने निश्चित भएको राजनीतिक विश्लेषकहरू बताउँछन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

केपी ओलीविरुद्ध संसदमा देउवाको हुँकार, सबैका सामुन्ने खोले एकसे एक पोल !

कोरोना महामारीका बेला शेरबहादुर देउवाको माग : ‘एमसीसी पारित हुनुपर्छ’

शेरबहादुर देउवालाई तत्कालै चाहियो एमसीसी, पार्टी बैठकमा यस्तो बोले !

कम्युनिस्टको मुखमा बुझो लगाउने गरी बोले देउवा, भ्रमको खेती नगर्न चेतावनी

देउवालाई भेट्न नेम्वाङ पुगे बुढानिलकण्ठ, के पाक्दैछ खिचडी ?

नेकपा फुटको संघारमा रहेको बेला ओली समुहलाई देउवाले दिए यस्तो जवाफ