काठमाडौं – कोरोना भाइरस संक्रमणको रोकथामका लागि जारी भएको निषेधाज्ञाबारे सरकारले देशभरका सीडीओलाई नयाँ निर्देशन दिएको छ ।

सरकारले निषेधाज्ञा जारी नगरिएका जिल्लाबाट निषेधाज्ञा भएका जिल्लामा सवारीसाधनलाई जान नदिन निर्देशन दिएको हो ।

आज बिहीवार मुख्यसचिव शंकरदास बैरागी, ३ वटै सुरक्षा निकाय सेना, सशस्त्र प्रहरी र नेपाल प्रहरीका प्रमुख, १५ जिल्लाका प्रमुख जिल्ला अधिकारी (सीडीओ) बीच भएको भर्चुअल बैठकमा गृहसचिव महेश्वर न्यौपानेले नयाँ निर्देशन दिएका छन् ।

भर्चुअल बैठकमा निषेधाज्ञा जारी गरिएका सीडीओले कोरोना भाइरसको संक्रमणलाई नियन्त्रण तथा रोकथाम गर्न आइपरेका समस्याबारे मुख्य सचिवसँग कुरा गरेका थिए ।

सीडीओले निषेधाज्ञा जारी नभएका जिल्लाबाट जारी भएका ठाउँमा निर्बाध रुपमा आवागमन हुँदा व्यवस्थापन गर्न कठिन भएको बताएका छन् । गृहसचिव न्यौपानेले निषेधाज्ञा जारी भएका जिल्लामा सवारीसाधनलाई नपठाउन निर्देशन दिएका छन् ।

सीडीओहरूले विदेशबाट नेपाल भित्रिने नागरिकलाई स्थायी ठेगाना भएको जिल्ला पठाउन कठिनाइ भएको, होल्डिङमा राख्ने, स्वास्थ्य परीक्षण र गन्तव्यसम्म पुर्‍याउन सवारीसाधनको समस्या, स्वास्थ्यकर्मी, सुरक्षाकर्मी र प्रशासनकर्मी समेत संक्रमित हुँदा थप जटिल भएको गुनासो गरेका छन् ।

गृहसचिव तथा सुरक्षा प्रमुखले आइपरेका समस्याको समयमै समाधान गर्ने प्रतिबद्धता जनाएका छन् । गृहसचिव न्यौपानेले स्थानीय प्रमुखसँग सम्पर्कमा रहेर विभिन्न समस्याको समाधान गर्न सहयोग लिन सकिने सुझाव दिएका छन् ।

बैठकमा काठमाडौं, ललितपुर, भक्तपुर, बाँके, सुर्खेत, बर्दिया, कैलाली, पर्सा, कास्की, रूपन्देही, कञ्चनपुर, बाग्लुङ, कालिकोटसहित १५ जिल्लाका सीडीओको सहभागिता रहेको थियो ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

भर्खरै बढे २४ कोरोना संक्रमित, नेपालमा भयावह हुने देखिँदै

बिहानै थप २ जनामा कोरोना पुष्टि, जम्मा संक्रमित २४५ जना

काठमाडौंमा दिनदिनै बढ्दै कोरोना संक्रमित, उपत्यकामा बढ्यो जोखिम !

कोरोना माहामारी : यी जिल्लामा निषेधाज्ञा, ठाउँ–ठाउँमा सिल ! [ नालीबेलीसहित ]

कोरोनाका कारण उत्तर प्रदेशका मन्त्री चौहानको निधन

सोमबार बिहानै थपिए मेयर सहित कोरोनाका ३३ संक्रमित, अवस्था भयावह