काठमाडौं - डा.गोविन्द केसी शिक्षण अस्पताल महाराजगन्जमा सत्याग्रहमा बसेको आज १७औं दिन । जुम्लाबाट सुरु गरेको उनको अनसन नेपालगन्ज हुँदै काठमाडौंमा आएर जारी छ ।

तर, आजका दिनसम्म केसीको अनसनबारे सरकार चुँसम्म बोलेको छैन । केसी अहिलेको सरकारको सबैभन्दा ठूलो टाउको दुःखाई मात्र होइन, नेकपामा कसैले पनि मन नपराउने व्यक्ति हुन् ।

उनकै कारण धेरै नेताको राजनीति बदनाम भएकाले पनि केसीको अनसनप्रति प्रधानमन्त्री केपी ओलीले चासो नराखेका हुन् । ओली प्रधानमन्त्री भएका बेला केसी छैटौंपटक अनसन बसिसकेका छन् ।

केसीसँग शेरबहादुर देउवा, डा.बाबुराम भट्टराई, पुष्पकमल दाहाल प्रचण्ड सबैले प्रधानमन्त्री भएका बेला सहमति गरेर अनसन तोडाएका हुन् ।

त्यसैले केसीको अनसनबारे पूर्वप्रधानमन्त्रीहरूले पनि चासो दिनुपर्ने हो । तर, औपचारिक रूपमा नेपाली कांग्रेसबाहेक कुनै पनि पार्टीले केसीको अनसनबारे बोलेका छैनन् ।

नेकपा निकट स्रोतका अनुसार केसीलाई सत्याग्रही नन्दप्रसाद अधिकारीकै हालतमा पुर्याइदिने ओली सरकारको तयारी छ । त्यसैले पनि केसीको अनसनबारे सरकारले कुनै चासो नदेखाएको हो ।

उनको अनसनबारे शिक्षामन्त्री र स्वास्थ्यमन्त्रीले विशेष चासो गर्नुपर्ने हो । माग सम्बोधनको पहल गर्ने भनेर प्रतिबद्धता जनाउनुपर्ने हो । तर, १७ दिनसम्म पनि बेवास्ता गर्नुले अनसनमै बसेका बेला नन्दप्रसाद अधिकारीको मृत्यु भए जस्तै केसीको पनि त्यही हविगत होस् भन्ने मनस्थितिमा ओली सरकार पुगेको विश्लेषण हुन थालेको छ ।

यो पनि पढ्नुहोस्

गोविन्द केसीसँग जसले जोरी खेल्छ ऊ सकिन्छ

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

सरकारलाई १० दिने अल्टिमेटम दिएर अनसन बसेका डा.केसीलाई प्रहरीको अवरोध !

डा.गोविन्द केसीले अनशन स्थगित गर्दै जारि गरे यस्तो बिज्ञप्ति

कम्युनिस्ट सरकारको शासन, डा.गोविन्द केसी अघोषित नजरबन्दमा

डा. गोविन्द केसीले जुम्लामा सुरु गरे १९ औँ अनशन

डा. गाेविन्द केसीलाई काठमाडौँ पठाइयो, सत्याग्रहबारे दिए यस्ताे जानकारी

गोविन्द केसीसँग जसले जोरी खेल्छ ऊ सकिन्छ