काठमाडौं - डा. गोविन्द केसी अहिले १९औं सत्याग्रहका क्रममा शिक्षण अस्पतालमा छन् । १५ दिनदेखि सत्याग्रह बसेका उनको अवस्था शिथिल हुँदै गएको छ ।

तर, सरकारले अहिलेसम्म औपचारिक धारणासमेत बाहिर ल्याएको छैन । जुन विषयमा उनले सत्याग्रह थालेका हुन्, त्यसबारे राज्य बेखबर हुनु भनेको लोकतन्त्रका लागि शुभसंकेत होइन । यसअघि पनि २५–२६ दिनसम्म सत्याग्रह पुगेपछि राज्यको कानमा बतास लाग्ने गरेको थियो ।

अहिले मिडियादेखि सामाजिक सञ्जालका साथै चिकित्सक संघले समेत केसीको जीवनरक्षाका लागि पहल गर्न सरकारलाई सुझाइरहेका छन् । तर, प्रधानमन्त्री केपी ओलीले सुनेको नसुन्यै गरिरहेका छन् ।

स्वास्थ्य तथा शिक्षा मन्त्रालयले पनि औपचारिक रूपमा केसीको माग सम्बोधन गर्न चासो देखाएको छैन । सरकारी जागिरबाट अवकाश पाएलगत्तै केसीको गतिविधिसँग राज्यलाई कुनै चासो नदेखिएको हो कि भन्ने सर्वसाधारणले बुझ्न थालेका छन् ।

चिकित्सा शिक्षा सुधार, सामाजिक र राजनीतिक माग उनको सत्याग्रहका एजेन्डा रहेका छन् । यदि केसी जस्तो सत्याग्रहीको अनशनकै क्रममा स्वास्थ्य तलबितल परेमा त्यसको सबैभन्दा ठूलो घाटा भनेको प्रधानमन्त्री केपी ओलीको राजनीतिक जीवनमा लाग्नेछ ।

यो तथ्य अकाट्य हो । किनभने केसीको समर्थक र शुभेच्छुक यसै पनि यो देशमा सबैभन्दा धेरै छ । यसअघि केसीलाई सिध्याउन भन्दै अख्तियार दुरुपयोग अनुसन्धान आयोगका पूर्वप्रमुख आयुक्त लोकमानसिंह कार्की लागेका थिए ।

उनले औपचारिक रूपमै केसीलाई ‘पागल’ को संज्ञा दिएका थिए । आफूविरुद्ध अनशन बसेको भन्दै कार्की केसीविरुद्ध लागेका थिए । अन्ततः कार्कीलाई सर्वोच्च अदालतले आयोग प्रमुख नियुक्त हुन अयोग्य घोषणा गरिदियो ।

अहिले उनी कहाँ छन् ? कसैले पत्तो पाउन सकेको छैन । यस्तै, तत्कालीन सर्वोच्च अदालतका वरिष्ठतम न्यायाधीश गोपालप्रसाद पराजुली पनि केसीविरुद्ध लागेका थिए ।

पराजुलीले अनियमितता र भ्रष्टाचारीलाई संरक्षण गरेको भन्दै उनलाई प्रधानन्यायाधीश बनाउन नहुने भन्दै केसीले अनशनमा माग राखेका थिए ।

पराजुलीकै निर्देशनमा केसीलाई होम एरेस्ट गरियो । जुन निकै विवादास्पद बन्यो । पछि सर्वोच्चले नै पराजुली प्रधानन्यायाधीश बन्न अयोग्य घोषणा गरिदियो ।

केसीको विरुद्धमा उत्रिने नेपाल मेडिकल काउन्सिलदेखि त्रिभुवन विश्वविद्यालयका पूर्वअधिकारी तथा धेरै राजनीतिकले जनताको भरोसा र विश्वास गुमाएका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

सरकारलाई १० दिने अल्टिमेटम दिएर अनसन बसेका डा.केसीलाई प्रहरीको अवरोध !

डा.गोविन्द केसीले अनशन स्थगित गर्दै जारि गरे यस्तो बिज्ञप्ति

कम्युनिस्ट सरकारको शासन, डा.गोविन्द केसी अघोषित नजरबन्दमा

डा. गोविन्द केसीले जुम्लामा सुरु गरे १९ औँ अनशन

डा. गाेविन्द केसीलाई काठमाडौँ पठाइयो, सत्याग्रहबारे दिए यस्ताे जानकारी

सत्याग्रही डा.गोविन्द केसीलाई नन्दप्रसाद अधिकारीको हविगत बनाइदिने ओली सरकारको तयारी