काठमाडौं– नेपाल विद्युत प्राधिकरणको कार्यकारी निर्देशक कुलमान घिसिङको हिजो मध्यरातिबाट सकिएको छ। अब उनी अर्को कार्यकालका लागि नियुक्त हुन नयाँ प्रक्रियामा जानुपर्ने हुन्छ । जुन सम्भावना न्युन छ ।

सरकारले कुलमानलाई निरन्तरता नदिने संकेत यसअघि नै गरेको थियो । त्यसैले गत हप्ता मन्त्रिपरिषदको बैठक नै बसालिएन । कुलमानको चार वर्षे पदावधि सकिएलगत्तै उनीपछिका व्यक्तिले कामु कार्यकारी निर्देशको जिम्मेवारी पाउने सम्भावना छ । त्यसपछि कसलाई कार्यकारी निर्देशक बनाइनेछ स्पष्ट भएको छैन ।

घिसिङले प्राधिकरणमा कार्यकारी निर्देशकमा निरन्तरता नपाउनुमा प्रधानमन्त्री केपी शर्मा ओली सहमत नहुनु हो । नेकपा अध्यक्ष प्रचण्ड घिसिङलाई नै निरन्तरता दिनुपर्ने पक्षमा थिए । ऊर्जामन्त्री वर्षमान पुन कुलमानलाई पुनः नियुक्तिको प्रस्ताव ठिक्क पारेर बसेका थिए । ओलीले भने ग्रिन सिग्नल नै दिएनन् ।

विश्वस्त स्रोतका अनुसार कुलमान घिसिङले ओलीलाई पटक पटक भेट्न खोजे तर पाएनन् । उनी भेट मिलाउन शक्तिकेन्द्र निकै धाएपनि नसक्नुमा ओलीले उनलाई निरन्तरता नदिने मनशाय राख्नु पनि हो । ओली उनको कतिपय कार्यशैलीप्रति असन्तुष्ट थिए । जुन निवर्तमान अर्थमन्त्री डा. युवराज खतिवडाले सार्वजनिक रुपमा बोलेर दर्शाएका थिए ।

सामाजिक सञ्जालमा कुलमान लोकप्रीय छन् । उनले लोडसेडिङ अन्त र विद्युत चुहावट कम गरको जस लिएका छन् । यत्रो लोकप्रीयता कमाएपनि घिसिङसँग बालुवाटार खुशी भएन । कुलमान घिसिङ २९ भदौ २०७३ मा चार वर्षका लागि प्राधिकरणको कार्यकारी निर्देशकमा नियुक्त भएका थिए ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

लोडसेडिङ हटाएका कुलमानको कार्यकाल सकिँदै, उर्जामन्त्री पुन विदा गर्ने पक्षमा, यस्तो छ चलखेल

लोडसेडिङ हटाएर हिरो बनेका कुलमानले विद्युत प्राधिकरण छोड्दै, कसले सम्हाल्ला नेतृत्व 

विद्युत प्राधिकरणको कार्यकारी निर्देशकमा कुलमान घिसिङ नै निरन्तरता दिन ब्यापक दबाब

फेक एकाउन्टबाट गलत हल्ला फिजाँउनेलाई कुलमानले दिए दनक, गरे यस्तो तर्क

कुलमानको पुनर्नियुक्तिमा मन्त्री खतिवडाले गरे ठट्टा, के हाे गडबढ ?

अन्तत: पुनर्नियुक्तिकाे विषयमा कुलमानले खाेले मुख, के भने हेर्नुहाेस् (पूर्णपाठ)