काठमाडौं – सरकारले कोरोना भाइरस संक्रमण परीक्षण र पहिचानको लागि भनेर प्रयोग गरिरहेका र्‍यापिड डाइग्नोस्टिक टेस्ट (आरडीटी) किटले सही नतिजा दिन सकेका छैनन् । किटले कोरोना भएको पनि स्पष्ट थाहा पाउँदैन भने नभएको पनि यकिन गर्न सक्दैन ।

किटले जुनसुकै नतिजा देखाएपनि कोरोना भए/नभएको यकिन गर्न पीसीआर प्रयोगशाला परीक्षण गर्नुपर्छ । तर पनि सरकारले आरडीटी किटमा सरकारी ढुकुटी खर्च गरिरहेको छ । नेपाली कांग्रेस लगायत विभिन्न विज्ञले समेत आरडीटी किटको विश्वसनीयतामा प्रश्न उठाएका छन् ।

स्वास्थ्य तथा जनसंख्यामन्त्री भानुभक्त ढकालले भने विश्वसनीयतामा प्रश्न उठेपनि आरडीटी विधिबाट कोरोना एन्टीबडी परीक्षण नरोकिने अडान लिएका छन् । कोरोना परीक्षण नै गर्न नसक्ने किटसँग मन्त्रीले विशेष साइनो र लगाव देखाएका छन् ।

सोमवार संघीय संसदको राज्यका निर्देशक सिद्धान्त, नीति र दायित्वको कार्यान्वयन अनुगमन तथा मूल्यांकन समितिको बैठकमा मन्त्री ढकालले आरडीटी विधिको विश्वसनीयता र कमजोरीमा ध्यान दिँदै निरन्तरता दिने अडान लिए ।

‘आरडीटी टेस्टलाई हामी लान्छौं । यसको विश्वसनीयता र कमजोरीका विषयमा पनि ध्यान दिएका छौं । आरडीटी पोजेटिभ आयो भने छुट्टै राखिहाल्छौं । पोजेटिभ आएन भने पनि लिएकामध्ये १० प्रतिशतलाई र्‍यान्डमली पीसीआर प्रविधिमा लगेर ठीक हो कि होइन भनेर परीक्षण गर्छौं,’ उनले बैठकमा भने ।

समिति बैठकमा नेपाली कांग्रेसका सांसद डा. मिनेन्द्र रिजाल लगायतले आरडीटी विधिको परीक्षणमा प्रश्न उठेको भन्दै रोक्न सुझाव दिएका थिए । तर मन्त्री ढकालले आरडीटी परीक्षण रोक्न नसकिने जवाफ दिएर किटसँगको विशेष साइनो देखाएका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

पूर्व स्वास्थ्यमन्त्री गगन थापाले कोरोना रोक्न स्वास्थ्य मन्त्री ढकाललाई दिए १६ बुँदे ‘आइडिया’

स्वास्थ्य सामग्री खरिदमा घोटाला गरेपछि उत्पात, बोलाइयो बयानमा !

कोरोनाले देश आक्रान्त पार्ने सरकारी निर्णय, विज्ञले दिए भयंकर संकटको चेतावनी

 स्वास्थ्यमन्त्रीकाे भाषण, सबै स्थानीय तहमा अस्पताल सेवा विस्तार

कोरोनाको खोप नआउँदै यी मन्त्रीले दिन थाले गफ ! काम कहिले गर्लान् ?

देउवा सरकारमा यी मन्त्रीले पाउँदैछन् स्वास्थ्य मन्त्रालयको जिम्मा, कस्तो गर्लान् काम ?