कञ्चनपुर - नेपाली कांग्रेसको १५औँ महाधिवेशनका लागि महाधिवेशन प्रतिनिधि छनोट गर्ने क्रममा कञ्चनपुरमा पार्टीभित्रका केही चर्चित अनुहार बाहिरिएका छन्। पूर्वमन्त्री, महिला अधिकारकर्मी, विद्यार्थी नेता तथा युवा पुस्ताका नेतासहित विभिन्न आकांक्षी प्रतिनिधि छनोटको प्रतिस्पर्धाबाट बाहिरिएका हुन्।

कांग्रेसको महाधिवेशनमा सहभागी हुन सम्बन्धित निर्वाचन क्षेत्रबाट महाधिवेशन प्रतिनिधिका रूपमा निर्वाचित हुनुपर्ने व्यवस्था छ। सोहीअनुसार कञ्चनपुरका तीनवटै निर्वाचन क्षेत्रमा भएको प्रतिनिधि छनोटले पार्टीभित्रको शक्ति समीकरणसँगै नयाँ पुस्ताको उपस्थितिबारे पनि चर्चा बढाएको छ।

क्षेत्र नम्बर ३ मा पूर्वमन्त्रीदेखि युवा नेतासम्म पराजित

कञ्चनपुर निर्वाचन क्षेत्र नम्बर ३ मा प्रतिनिधि छनोटका क्रममा पूर्वमन्त्रीदेखि युवा पुस्तासम्मका उम्मेदवार पराजित भएका छन्। पूर्वमन्त्री तथा कांग्रेसका पूर्वकेन्द्रीय सदस्य चूडामणि चौटालले २३४ मत प्राप्त गरेका छन्। महिला अधिकारको क्षेत्रमा लामो समयदेखि सक्रिय बिना भण्डारीले ३१६ मत पाएकी छन्।

त्यस्तै २२ वर्षीय युवा नेता गोवर्ण महराले २३३ मत प्राप्त गरे। नेविसंघका पूर्वकेन्द्रीय नेता पदमराज पन्तले पनि २३३ मत पाए भने नेविसंघ कञ्चनपुरका पूर्वअध्यक्ष कृष्ण भट्टले २०८ मत प्राप्त गरे। यस क्षेत्रमा परमानन्द कपाडीले ४५ र युवा नेता माधव सिंह साउदले ९४ मत प्राप्त गरेका छन्।

क्षेत्र नम्बर ३ बाट कृष्णबहादुर कुँवर, दीपकबहादुर सिंह, दुर्गादत्त बोहरा, नाफु सिंह साउद, प्रकाश थापा, विष्णुदत्त जोशी, बेलबहादुर राना, खेमराज पण्डित, लोकबहादुर ठगुराठी, वीरेबहादुर मल्ल, अमृत कार्की, लोचन सिंह कार्की, प्रेमबहादुर विष्ट, कृष्णप्रसाद पाठक, दिलबहादुर सिंह, यज्ञराज चटौत, शंकरबहादुर चन्द, अहिल्या बोहरा, खगेश्वरी बोगटी, माया भट्ट र राधिका थापा निर्वाचित भएका छन्। यस क्षेत्रमा ७१८ मतदाता रहेकामा ६२५ जनाले मतदान गरेका थिए।

क्षेत्र नम्बर २ मा पनि युवा अनुहार बाहिरिए

क्षेत्र नम्बर २ को प्रतिनिधि छनोटमा पनि युवा पुस्ताका केही उम्मेदवारले महाधिवेशन प्रतिनिधिका रूपमा स्थान बनाउन सकेनन्। यज्ञराज वैज, ईश्वर खाती, उद्धव बोहरा, कृष्ण पाण्डेय, भारत साउद, शेषशैया विष्ट र धनश्याम विक पराजित भएका छन्।

यस क्षेत्रबाट पूर्वजिल्ला सभापति हरिप्रसाद बोहरासहित कविराज भट्ट, जयबहादुर ऐर, नवराज जोशी, पुष्पराज भट्ट, वीरबहादुर चन्द, भुवनेश्वरी पन्त, भोजराज बोहरा, रामसिंह पुजारा, लेखराज जोशी, नरेन्द्रबहादुर ऐर, नरेन्द्रदत्त जोशी, भुवनराज पाण्डेय, मदनराज भट्ट, रमेश चटौत, सुरेन्द्र ऐर, उद्धवराज भट्ट, गणेश कामी (विक), भीमबहादुर खडायत र पुष्करराज ओझा निर्वाचित भएका छन्। क्षेत्र नम्बर २ मा ६६४ मतदाता रहेकामा ६१६ मत खसेको थियो।

क्षेत्र नम्बर १ मा प्रतिनिधि निर्विरोध

कञ्चनपुरको क्षेत्र नम्बर १ बाट भने महाधिवेशन प्रतिनिधिका सबै उम्मेदवार निर्विरोध निर्वाचित भएका छन्। यद्यपि, आकांक्षीको संख्या र प्रतिनिधित्वको प्रतिस्पर्धाका क्रममा युवा नेता जीवन रानासहित केही नाम भने अन्तिम सूचीमा अटाउन सकेनन्।

क्षेत्र नम्बर १ बाट संविधानसभा सदस्यसमेत रहेका प्रदेशसभा सदस्य दिवान सिंह विष्ट, युवा नेता सुरेन्द्र सिंह, दीर्घबहादुर सिंह (ठकुरी), पूर्वशिक्षक लालबहादुर रावत, किसान नेता भरतबहादुर विष्ट, चेतनकुमार राई, हरिन्द्र सिंह विष्ट, बेलडाँडी गाउँपालिकाका अध्यक्ष हरिश्चन्द्र राना, उपाध्यक्ष शान्तिनाथ, विद्यार्थी नेता मदनराज उपाध्याय, निवर्तमान क्षेत्रीय सभापति गोपीप्रसाद उपाध्याय, बेलडाँडीका पूर्वसभापति हर्कदेव जोशी, सीताराम खड्का, यमप्रसाद पौडेल र दिनेश शर्मालगायत निर्वाचित भएका छन्।

महिला नेतृहरूतर्फ खिमा भण्डारी, मिनादेवी चन्द, अनिता तामाङ, राधा विष्ट, देवी पौडेल (लोहनी) र तारा खड्कालगायत निर्वाचित भएका छन्।

त्यस्तै मनोज भट्ट, मानबहादुर रोकाया, रघुवीर सिंह भण्डारी, विश्राम राना, धर्मसिंह बडायत, सगुन राना, सौविनिया राना, दाउत तामाङ, दीपबहादुर लामा, रमेश चुनारा, रामबहादुर खड्का, छेमानन्द राना र धर्मराज जोशी पनि निर्वाचित भएका छन्।

प्रतिनिधित्वमा दलित र थारू समुदायको अवस्था

कञ्चनपुरमा महाधिवेशन प्रतिनिधि छनोटसँगै समुदायगत प्रतिनिधित्वको विषय पनि चर्चामा आएको छ। क्षेत्र नम्बर १ बाट दलित, क्षेत्र नम्बर २ बाट थारू तथा क्षेत्र नम्बर ३ बाट दलित र थारू समुदायका उम्मेदवार निर्वाचित हुन नसकेको विवरण छ।

क्षेत्र नम्बर २ मा भने दलित समुदायबाट गणेश कामी (विक) निर्वाचित भएका छन्। क्षेत्र नम्बर ३ बाट दलित र थारू समुदायका कुनै पनि उम्मेदवार निर्वाचित हुन सकेनन्।

यसले कांग्रेसभित्र महाधिवेशन प्रतिनिधि छनोटमा विभिन्न समुदायको समानुपातिक सहभागिताबारे बहसको आधारसमेत तयार गरेको छ।

अब केन्द्रीय अधिवेशनतर्फ कांग्रेस

नेपाली कांग्रेस कञ्चनपुरका कार्यवाहक सभापति हरिश्चन्द्र रानाका अनुसार वडा, पालिका, क्षेत्र र महाधिवेशन प्रतिनिधि छनोटको प्रक्रिया सम्पन्न भइसकेको छ।

अब पार्टीको ध्यान केन्द्रीय अधिवेशनतर्फ केन्द्रित हुने र त्यसपछि जिल्ला अधिवेशनको प्रक्रिया अघि बढ्ने उनले बताएका छन्।

कञ्चनपुरमा भएको प्रतिनिधि छनोटले एकातिर पार्टीभित्र लामो समयदेखि सक्रिय नेताहरूको प्रभाव देखाएको छ भने अर्कोतिर युवा पुस्ताका केही चर्चित आकांक्षीको पराजयले नयाँ पुस्ताको राजनीतिक यात्राबारे समेत चासो बढाएको छ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

कोरोनाका बेला कम्युनिस्ट नेता भ्रष्टाचारमा मस्त, कांग्रेस नेताले गरे भेन्टिलेटर सहित एक करोड सहयोग

कांग्रेस संसदीय दलको बैठक बस्दै, के गर्दैछ निर्णय?

सुनिल थापासँगै धनकुटा र भोजपुरका ६ हजार भन्दा बढी राप्रपा कार्यकर्ता कांग्रेस प्रवेश गर्दै

कांग्रेस सभापतिमा उठ्ने प्रकाशमानको घोषणा, पौडेल र कोइराला मान्लान त? 

भोजपुरमा नेकपा र राप्रपामा पहिरो, दर्जनौं कार्यकर्ता कांग्रेस प्रवेश

कोरोना संक्रमित कांग्रेस उपसभापतिको मृत्यु, नवलपरासीमा सन्नटा