काठमाडौं - काठमाडौंको त्रिपुरेश्वरस्थित राहदानी विभाग अगाडि आत्मदाह प्रयास गर्नेक्रममा मृत्यु भएका गणेश नेपालीको घट्नाप्रति नेपाल प्लाटफर्म वर्कस युनियनले आपत्ति जनाउँदै दुःख व्यक्त गरेको छ ।

टे्रड युनियन कांगे्रस तथा नेपाल यातायात मजदुरसंग सम्बद्ध युनियनका अध्यक्ष जगनाथ गौतमले एक विज्ञप्ति जारी गर्दै घट्नाप्रति आफूहरुको गम्भीर ध्यानाकर्षण भएको जनाएका हुन् ।

‘काठमाडौं त्रिपुरेश्वर स्थित राहदानी विभाग अगाडि गरिखाने श्रमिकले गरेको आत्मदाह प्रयासप्रति यस नेपाल प्लाटफर्म वर्कस युनियनको ( टे्रड युनियन कांगे्रस तथा नेपाल यातायात मजदुर संग सम्बद्ध) गंभिर ध्यानकर्षण भएको छ । समाचारहरुमा आए अनुसार २५ वर्षीय राइडर चालक गणेश नेपालीको मोटरसाइकलमा महानगर प्रहरीले गरेको व्हीललक गरेपश्चात निजले गरेको आत्मदाह प्रयासलाई लिएर गरि खाने श्रमिक वर्गमाथि राज्यका निकायहरुको दृष्टिकोणप्रति यस युनियन गम्भीर आपत्ति गर्दछ,’ विज्ञप्तिमा अगाडि भनिएको छ,‘भर्खरै मात्र गत जुनको पहिलो साता अन्तर्राष्ट्रिय श्रम संगठनले प्लाटफर्म क्षेत्रमा कार्यरत श्रमिकहरुको अन्र्तराष्ट्रिय कानुन अर्थात आईएलओ अभिसन्धी न. १९३ पारित गरेको अवस्थामा यस प्रकारको घटना घटनु दुखद भएको छ ।’

‘एकातिर राज्यबाट प्लाटफर्म क्षेत्रमा कार्यरत राईडरहरुलाई महानगरमा पार्किंङको व्यवस्था नगर्नु, सुरक्षित सडक नहुनु उनीहरुलाई सामाजिक सुरक्षामा नजोडिएको अवस्था रहदा रहँदै सरकारबाट विना संवाद एकतर्फी तवरबाट दण्ड सजायका लागि अत्यधिक जरिवानाको कानुन बनाउन उद्मत हुनुले गरिखाने श्रमिक वर्गहरुलाई उद्धेलित बनाएको छ,’ विज्ञप्तिमा भनिएको छ,‘यस प्रकार राज्यका निकायहरुबाट गरिखाने श्रमिक वर्गहरु माथि गरिएको हेपाईले आत्मदाहको प्रयासमा पुरयाउनु श्रमिकहरु राज्यविहीन भएको अनुभुति समेत यस युनियनलाई भएको छ र यस्तै प्रकारका घटनाहरु घटने हो भने श्रमिक वर्गहरु सडकमा आउनु विकल्प नरहेको र यथाशिघ्र सो घटनाप्रति सरकारले छानविन गरेर कानुन बमोजिम दोषि माथि कडा भन्दा कारवाहीको माग यस युनियन गर्दछ ।’

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।