काठमाण्डौ । रसुवाको भोटेकोशी गाउँपालिका–२ मा गएराति आएको आकस्मिक बाढीले थप क्षति पुर्‍याएको छ । बाढीमा मानवीय क्षति नभएको तर थप भौतिक क्षति भएको रसुवाका प्रमुख जिल्ला अधिकारी अर्जुन पौडेलले जानकारी दिनुभयो ।

उहाँका अनुसार बाढीले रसुवागढी–स्याफ्रुबेशी सडक फेरि अवरुद्ध भएको छ । यस्तै रसुवागढी भन्सारको यार्ड, रसुवागढी र त्रिशूली–थ्री ‘ए’ जलविद्युत् आयाेजनामा क्षति पुगेको छ ।

बाढीले टिमुरे र रसुवागढीको बीचमा पर्ने नेपाली सेनाको क्याम्प धरापमा परेको प्रमुख जिल्ला अधिकारी पौडेलले जानकारी दिनुभयो ।

त्यस्तै स्याफ्रुबेशीमा ४ वटा टहरा र विभिन्न पुलमा क्षति भएको छ । थप क्षतिबारे विवरण सङ्कलनको काम भइरहेको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।