काठमाडौं । खोखो विश्वकपको सेमिफाइनल प्रवेशका लागि नेपाली पुरुष तथा महिला टोलीले आज दुवै खेल खेल्दैछ।  भारतको इन्दिरा गान्धी इन्डोर स्डेडियममा दुवै खेल हुनेछन्। 

नेपाली पुरुष टोलीले साँझ पौने ६ बजे बंगलादेशसँग खेल्न लागेको हो। बंगलादेश समूह एकको विजेता हो। बंगलादेश जारी प्रतियोगितामा अपराजित छ। उसले श्रीलंका, दक्षिण कोरिया र पोल्याण्डलाई हराएर अन्तिम आठमा स्थान बनाएको थियो।

नेपाल समूह एको उपविजेताका रुपमा अन्तिम आठमा स्थान बनाउने टोली हो। नेपालले भुटान, पेरु र ब्राजिललाई हराएको थियो। भारतसँग भने झिनो अन्तरले पराजित भएको थियो। 

यता महिला खोखो टोली भने समूह सीमा शतप्रतिशत जितसहित अन्तिम आठमा स्थान बनाउने अपराजित टोली हो। उसले आज दिउँसो पौने ५ बजे इरानसँग खेल्ने छ। 

इरान समूह एको उपविजेता हो। नेपालले समूह चरणमा बंगलादेश, श्रीलंका भुटान र जर्मनीलाई पराजित गरेको थियो। इरानले भने दक्षिण कोरिया र मलेसियालाई पराजित गर्दै अन्तिम आठमा स्थान बनाएको थियो भने भारतसँग पराजित भएको थियो। 

चार समूहमा रहेका १९ देशका महिला टोली विश्वकपमा सहभागी छन्।  सेमिफाइनलका खेल भोलि हुनेछन् भने उपाधि भिडन्त आइतबार हुनेछ। पुरुष तर्फ भने २० देश सहभागी भए। 

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।