मुम्बइ, १९ चैत । आर माधवन र अजय देवगनको फिल्म शैतान मार्च ८ मा रिलिज भएको थियो । यो फिल्मले बक्स अफिसमा अझै पनि धुम मच्चाइरहेको छ । फिल्मले ३१ मार्चसम्म १३८.७७ करोड कमाएको छ ।
 
अब ओटीटीमा यो फिल्मको फ्यानहरू उत्सुकताका साथ पर्खिरहेका छन्। यस्तो अवस्थामा अब अजय देवगन र आर माधवनका फ्यानका लागि खुसीको खबर आएको छ । चलचित्रको ओटीटी रिलिज मिति सार्वजनिक भएको छ ।
 
सिनेमा हलमा रिलिज भएको करिब दुई महिनापछि निर्माताले ओटीटी प्लेटफर्ममा पनि फिल्म रिलिज गर्ने गरेको प्रायः देखिन्छ । यस्तो अवस्थामा सैतानको कुरा गर्ने हो भने मे महिनामा दुई महिना पूरा हुनेछ । यसैबीच, फ्री प्रेस जर्नलको रिपोर्ट अनुसार शैतान मे ३ मा ओटीटी  प्लेटफर्ममा रिलिज हुँदैछ। अब ुशैतान ओटीटीमा आतंक मच्चाउन तयार छ।
 
हालै यो फिल्मको डिजिटल अधिकार नेटफ्लिक्ससँग रहेको खबर आएको थियो तर यसको आधिकारिक घोषणा भने भएको छैन । यस्तो अवस्थामा फिल्म निर्माताले कहिले घोषणा गर्ने हो ? त्यो हेर्न बाँकी छ ।
 
गुजराती फिल्म ‘वाश’ सन् २०२३ मा रिलिज भएको थियो, जसको हिन्दी रिमेक ‘शैतान’ हो । यो चलचित्रलाई निर्देशक विकास बहलले निर्माण गरेका हुन् । फ्यानहरुले यसको धेरै तारिफ गरिरहेका छन् ।
 
फिल्मको कथाको कुरा गर्ने हो भने चलचित्रमा अभिनेत्री ज्योतिका अजय देवगनकी श्रीमतीको भूमिकामा छिन् । जहाँ आर माधवन खलनायकको भूमिकामा छन् । फिल्मको कथा एउटा परिवारको वरिपरि घुमेको छ, जसलाई एक व्यक्तिले आफ्नो अलौकिक शक्तिले बन्धक बनाएको छ । फिल्मले अहिलेसम्म १३८.७७ करोडको व्यापार गरिसकेको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।