काठमाडौँ - करिब डेढ वर्षदेखि अमेरिकाको सांगीतिक टुरमा रहेका लोकप्रिय हास्य कलाकार महादेव त्रिपाठी ‘जादुगर’ले एकसय बढी कार्यक्रम गरिसकेका छन् ।

उनको सांगीतिक टुर अझै रोकिएको छैन । यस्तैमा सोमबार उनले अमेरिकाको न्युजर्सीमा बंगलादेशकी चर्चित गायिका मेज्झाबिन मेहासँग सांगीतिक कार्यक्रम गरेका छन् ।

एआरसिफर नेपालको आयोजना रहेको ‘ह्यापी दशैँ एण्ड तिहार’ नाम दिइएको कार्यक्रममा दुबैको प्रस्तुतिमा दर्शक झुमेर नाचेका थिए ।

कार्यक्रममा त्रिपाठीले जादु, कमेडी प्रहसन, गीत र नृत्य प्रस्तुत गर्दा बंगाली गायिका मेहाले समेत हिन्दी र नेपाली गीतहरु प्रस्तुत गरेकी थिइन् ।

मेज्झाबिनले हिन्दीमा बिभिन्न चलेका गीतहरु प्रस्तुत गरेकी थिइन् भने नेपालीमा ‘सम्झना बिर्सन सलल’ र ‘तिम्रो जिरो फिगर’ गाएर दर्शक नचाएकी थिइन् ।

कार्यक्रममा गायिका मेज्झाबिनले हिन्दीको अलवा नेपाली गीत समेत आफुलाई गाउन मनपर्ने बताइन् । अमेरिकाको न्युजर्सीमा रहेका नेपाली दाजुभाईसँग दशैंँ तिहार फेष्टिभल सांगीतिक कार्यक्रम सहित सेलिब्रेसन गराउने उदेश्यले कार्यक्रम आयोजना गरिएको आयोजक एआरसिफर नेपालका राजेन्द्र अन्जान श्रेष्ठले बताए ।

कलाकार त्रिपाठीले यस अगाडि अमेरिकाको बिभिन्न स्थानमा विपुल क्षेत्री, बिमाकुमारी दुरा, मेलिना राई, निमा रुम्बा, हेमन्त राणा, कुन्ती मोक्तान र बलिउड कलाकार सोनु निगम, लक्कि अलि, बादशाह लगायतसँग सांगीतिक कार्यक्रम गरिसकेका छन् ।

अझै केही स्थानको कार्यक्रम सकेर मात्र नेपाल फर्किने त्रिपाठीले जानकारी दिए ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।