काठमाडौं - कोशी प्रदेशमा एमाले नेतृत्वको सरकार अब आठ दिन मात्रै रहने देखिएको छ । अहिलेकै समीकरण टिकिरहे एमालेका मुख्यमन्त्री हिक्मत कार्कीले विश्वासको मत नपाउने र सरकार ढल्ने अवस्था छ ।

सरकार गठन भएको ३० दिनभित्र विश्वासको मत लिनुपर्ने संवैधानिक बाध्यतामा रहेकाल मुख्यमन्त्री कार्कीले असोज २० भित्र विश्वासको मत लिइसक्नुपर्ने बाध्यता छ ।

एमालेसँग ४० सांसद छन्, तर बहुमतका लागि ४७ सांसद आवश्यक पर्छ । एमालेबाट मुख्यमन्त्री भएका कार्कीका लागि कम्तीमा पनि आठजना सांसद अपुग छ ।

एमालेकै उपसभामुख रहेको र सभामुख नभएका कारण प्रदेशसभा सञ्चालन उपसभामुखले गर्नुपर्ने हुन्छ । त्यसो हुँदा सभाध्यक्ष सिर्जना दनुवारले मतदान गर्न पाउने छैनन् ।

त्यस्तो अवस्थामा एमालेसँग एक सीट घटेर ३९ मात्रै हुनेछ । त्यसैले, एमालेलाई आवश्यक बहुमत पुर्‍याउन आठजना सांसद चाहिन्छ । आवश्यक संख्या पुर्‍याउन नसक्ने बुझेपछि एमाले नयाँ रणनीतिमा लागेको छ ।

संविधानको धारा १६८ को उपधारा ३ अनुसार सबैभन्दा ठूलो दलको हैसियतमा बनेको सरकारले विश्वासको मत नपाएपछि उपधारा ५ मा झर्नेछ । असोज २० पछि नयाँ सरकार गठनका लागि एमाले अहिले कांग्रेससँग निरन्तर संवादमा छ ।

पहिलो प्रयास कांग्रेस र एमाले मिलेर सरकार बनाउन खोज्नेमा छ । उपधारा ५ अनुसार बन्ने सरकारमा एमालेले कांग्रेसकै उम्मेदवारलाई समर्थन गर्न खोजेको छ । कांग्रेसको संस्थापनइतर समूहका नेता केदार कार्कीलाई अगाडि सार्न खोजेको छ ।

शेखर कोइराला र महामन्त्री गगन थापा समूहका सांसद कार्कीलाई उम्मेदवार बनाउँदा राप्रपाले पनि समर्थन गर्ने सम्भावना रहेको बताइन्छ ।

प्रदेशसभामा कांग्रेसका २९ सांसद छन् । कार्कीलाई कांग्रेसको इतर समूहका सबै सांसदले साथ दिए एमाले मात्रै मिले पनि सरकार बन्न सक्छ ।

अहिले एमालेले त्यही प्रयास गरिरहेको ओलीनिकट स्रोतको दाबी छ । त्यहीकारण कांग्रेसभित्र दुईपटक मुख्यमन्त्री भएका उद्धव थापालाई उम्मेदवार बनाउन नहुने इतरसमूहका नेताहरुको लविङ छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

कोशीका मुख्यमन्त्री कार्की ओली भेट्न बालकोट पुगेपछि बालुवाटार र धुम्बाराहीमा हलचल

कोशीमा ‘म्याच फिक्सिङ’ ले केन्द्रको सत्ता गठबन्धन तोडिएको हो ?

कोशीमा विद्रोही कांग्रेस र एमालेको सरकार बन्ने, गठबन्धनको बहिष्कार

कोशी प्रदेशमा एमालेले कांग्रेसका मुख्यमन्त्रीलाई दिएको विश्वासको मत फिर्ता नलिने

कोशीका मुख्यमन्त्रीसँग रिसायो एमाले, थाल्यो हस्ताक्षर अभियान

आफ्नै अभिव्यक्तिका कारण चौतर्फी विवादमा कोशीका मुख्यमन्त्री