काठमाडौं - पूर्वयुवराज्ञी हिमानी शाह सामाजिक साथै पारिवारिक भेटघाटमा प्रायः सहभागी हुने गर्छिन् ।

हिमानी ट्रस्टमार्फत सामाजिक सेवामा क्रियाशील हिमानी एक समय ससुरा पूर्वराजा ज्ञानेन्द्र शाहसँग डान्स क्लब एलओडीमा नृत्य गरेर चर्चामा आएकी थिइन् ।

अहिले उनै हिमानीको एउटा पार्टी डान्स सामाजिक सञ्जालमा भाइरल बनेको छ । नीलो रंगको सारी र ब्लाउजमा हिमानी कुनै एक पार्टीमा हिन्दी गीत ‘दुपट्टा तेरा नौ रंग दा...’ मा डान्स गरिरहेको देख्न सकिन्छ ।

साथीसंगीको दबाब थेग्न नसकेर उनले गीतको अन्तरामा मात्र नृत्य गरेर हिँडेको भिडियोमा देख्न पाइन्छ । भिडियो कहाँको हो भन्ने खुलेको छैन ।

तर पत्रकार पवर्नवर्षा शाहको ट्विटर ह्यान्डिलबाट सोमबार दिउँसोमात्र हिमानी डान्स गरिरहेको भिडियो सार्वजनिक भएको हो ।

हिमानीलाई नृत्यमा निकै सौख रहेको उनका छोरीहरूको टिकटकमार्फत पनि देख्न सकिन्छ । फेसबुक वा टिकटकमा छोरीसँगै हिमानीले नृत्य गरेका धेरै भिडियो सार्वजनिक भइसकेको छ ।

 

परिस्थिती जस्कोसुकै रहोस आफू खुशी रहन रमाउने हो ,युवराज्ञी हिमानी शाह एउटा पार्टीमा नाच्दै ।🙏😍🙏 pic.twitter.com/O3diu2oGUK

— पवनबर्षा शाह (@PawanBarshaShah) August 21, 2023

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।