काठमाडौं - एसिसी प्रिमियर कपअन्तर्गत नेपाल र युएईबीचको फाइनल खेल वर्षाका कारण अवरुद्ध भएको छ ।

लगातारको झरीले खेल प्रभावित बनेको हो । अहिले त्रिवि क्रिकेट मैदान पालले पूरै ढाकिएको छ । वर्षाले मैदान भिज्न नपाओस् भनेर पालले छोपिएको हो । वर्षाका कारण ओभर छोट्याउने प्रयास भइरहेको छ ।

सम्भव भएसम्म २० ओभरसम्म आजै खेलाउने तयारी छ । नेपाल र युएईबीचको फाइनल खेलका लागि दुई दिनको समय छुट्याइएको छ । मंगलबार पनि खेल हुनेछ ।

हालसम्म १६ ओभर खेलेको युएई नौ विकेट गुमाएर १०६ रन बनाएको अवस्थामा छ । यदि अब एउटा मात्र विकेट झरेमा युएई सस्तैमा आउट हुने छ । नेपाललाई थोरै ओभर दिए पनि पूरा गर्ने देखिन्छ ।

अहिले क्रिकेट प्रेमी भिजेर भए पनि मैदानमै रहेका छन् । उनीहरू एक घन्टा भए पनि पानी रोकिने आशमा छन् । सस्तैमा युएईका खेलाडी आउट भएको र रनस्कोर पनि कम भएकाले नेपाललाई सहज छ ।

यदि पानी रोकिएर २० ओभर मात्र खेल्न पाए पनि नेपालले उपाधि जित्ने सम्भावना धेरै छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।