काठमाडौं - प्रदेश र प्रतिनिधिसभा निर्वाचनको प्रत्यक्ष र समानुपातिक मतगणना सकिएको छ । प्रत्यक्षको नतिजा पनि आइसकेको छ । समानुपातिकको सिट संख्या पनि निर्वाचन आयोगले टुंगो लगाएको छ ।

जसअनुसा एमाले ३४, नेपाली कांग्रेस ३२, माओवादी केन्द्रले १४, राष्ट्रिय स्वतन्त्र पार्टीले १३, राप्रपाले सात, जसपा र जनमत पार्टीले पाँच–पाँच सिट पाएका छन् ।

२०७४ को निर्वाचनमा कांग्रेसले समानुपातिकतर्फ ४० सिट ल्याएको थियो । लोकप्रिय मत ४० लाख आएको थियो । तर अहिले कांग्रेसको लोकप्रिय मत २७ लाखमै सीमित भएको छ ।

अघिल्लो निर्वाचन मात्र होइन, स्थानीय तहको निर्वाचनभन्दा पनि अहिले कांग्रेसको लोकप्रिय मतमा ह्रास आएको छ । यसरी एकैचोटि १० लाखभन्दा बढी कांग्रेसको समानुपातिक मत किन घट्यो भन्ने विषयले अहिले कांग्रेस नेताहरू तनावमा परेका छन् ।

तर, समानुपातिकमा लोकप्रिय मत घट्नुको मुख्य कारण कांग्रेसको छवि बिग्रेर होइन । नेताका अनुहार र आफ्नी श्रीमतीलाई समानुपातिक सूचीमा राखेकैले हो भन्ने जनस्तरबाट प्रतिक्रिया आएको छ ।

यदि समानुपातिक सूचीको क्लस्टरमा विज्ञ र बौद्धिक व्यक्तित्वलाई कांग्रेसले राख्न सकेको भए कांग्रेसको समानुपातिक मत एमालेभन्दा धेरै अघि हुन्थ्यो । प्रत्यक्ष र समानुपातिकमा पनि कांग्रेस नै पहिले दल बन्ने निश्चित थियो ।

जनताले कांग्रेसको समानुपातिक सूचीमा के कस्ता नेतालाई राखेका छन् भन्ने आमजनतामा निकै चासो देखियो । त्यही बासी अनुहार, नेताका स्वास्नी, कुनै क्षेत्रमा विज्ञता हासिल नगरेका व्यक्ति सूचीमा देखेकाले पनि आममतदाताले अन्यत्रै मत खसाएको पुष्टि हुन्छ ।

त्यति मात्र होइन, यसपटकको निर्वाचनमा कांग्रेस महामन्त्रीद्वय गगन थापा र विश्वप्रकाश शर्मालाई आफ्नै निर्वाचन क्षेत्रमा सीमित गराइयो । उनीहरूलाई एउटा पनि निर्वाचन क्षेत्रमा भाषण गर्न लगिएन । लैजाने इच्छा देखाइएन ।

थापा र शर्माको लोकप्रियता बढ्ला र आफ्नो विरासत झन् गुम्ला भनेर दुवैलाई आफ्नो निर्वाचन क्षेत्रमा मात्र सीमित राखेकाले समानुपातिक र प्रत्यक्षतर्फ कांग्रेसको मत कम भएको आमजनताको भनाइ छ ।

थापा र शर्मा हार्दैछन्, एमालेकै मत धेरै छ भन्ने कांग्रेसभित्रैबाट प्रचार गराइयो । जसले थापा र शर्मा आफ्नो निर्वाचन क्षेत्रमै क्रियाशील रहे । तर, दुवैले सानदार मतका साथ चुनाव जिते ।

यदि थापा र शर्मालाई कम्ती २५ जिल्लाका चुनावी सभामा भाषण गर्न लगेको भए अहिले गठबन्धनलाई बहुमत जुटाउन भ्यागुतोको धार्नीको अवस्था आउने थिएन । अहिले कांग्रेसमा गगन थापा र विश्वप्रकाश शर्मालाई चुनावी सभामा लैजानै नचाहने पात्रको खोजी भइरहेको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

नेकपाको अन्तरद्वन्दका विषयमा काँग्रेस प्रवक्ता शर्माले दिए यस्तो जवाफ

आफु नेतृत्वमा पार्टी पराजित भए राजिनामा दिने भन्दै गगनले गरे सभापति लड्ने घोषणा !

कांग्रेस प्रबक्ता शर्माले भने, ‘चेपाङको घर जलाउने अनि भगवान् रामको मन्दिर बनाउने !’

देउवालाई गगन थापासहित १२ युवा नेताको चुनौती [ बिज्ञप्ति सहित ]

कांग्रेस प्रबक्ता शर्मा टेलिभिजन कार्यक्रमको प्रस्तोताका रुपमा देखिदै

सञ्चार विभागको बैठकबाट संयोजक विश्वप्रकाश शर्माले गरे यस्तो निर्णय