काठमाडौं - यसपटकको निर्वाचनमा मकवानपुर १ मा नेपाली कांग्रेसकी सहमहामन्त्री महालक्ष्मी उपाध्याय डिनाले जित्नेमा धेरै विश्वस्त थिए । कांग्रेसले चुनाव जित्ने नेताको सूचीमा डिनालाई पनि राखेको थियो ।

तर, मतगणना अन्तिममा पुग्दै गर्दा राप्रपाका दीपक सिंह विजयी भए । डिना दोस्रो स्थानमा सीमित भइन् । डिनाको अप्रत्यासित हारले कांग्रेस मकवानपुरमा सनसनी मच्चियो ।

कांग्रेस केन्द्रमा पनि नेताहरू तनावमा परे । डिनाले कांग्रेसभित्रकै अन्तर्घातका कारण जितिसकेको चुनाव हारेको प्रतिक्रिया दिइन् । कतिसम्म भने उनले आफूलाई कांग्रेस बागमतीका सभापति इन्द्र बानियाँले सहयोग नगरेको आरोप पनि लगाइन् ।

जबकि उनले त्यस्तो आरोप लगाउँदै गर्दा बानियाँ आफू प्रदेश सभा सदस्यमा जित्ने कि नजित्ने भन्नेमा ढुक्क थिएनन् । अन्तिममा थोरै मतान्तरले उनले चुनाव जिते । तर, डिनाले आफूमाथि अन्तर्घातको आरोप लगाएपछि उनी मर्माहत भएका छन् ।

कांग्रेस बागमतीको सभापति भएकाले पनि कांग्रेसले धेरै सिटमा जितेमा जस बानियाँले नै लिने हो । त्यही भएर उनी कांग्रेसका संघ र प्रदेशका उम्मेदवारलाई जिताउन रातदिन खटिएका हुन् । र, सफलता पनि पाएका हुन् ।

बागमती प्रदेशमा कांग्रेसले संघमा १३ र प्रदेशमा २५ सिट जितेको छ । यसको श्रेय बानियाँलाई नै जान्छ । तर सहमहामन्त्री डिनाको आरोपले बानियाँलाई सकसमा पारेको छ ।

डिना हार्नुको मुख्य कारण कांग्रेसभित्रको अन्तर्घातभन्दा पनि एमाले र राप्रपाबीचको सहकार्य भएको खुलेको छ । एमालेले राप्रपा नेपालका अध्यक्ष कमल थापालाई आफ्नो चुनाव चिन्ह प्रयोग गर्न दिएको थियो ।

तर पार्टीमा उनलाई जिताउने सर्कुलर थिएन । त्यही भएर राप्रपा अध्यक्ष राजेन्द्र लिङ्देन दुई दुईपटक हेटौंडा पुगे । र, आफ्नो उम्मेदवार दीपक सिंहलाई जिताउन सकिने निष्कर्ष निकाले र एमाले अध्यक्ष केपी ओलीसँग सहयोग मागे ।

दीपक सिंहलाई अन्तिमतिर आएको मत एमालेकै रहेको हेटौडाका एक एमाले नेताले बताए । स्थानीय तहको निर्वाचनमा पनि दीपक सिंहले मेयरमा २० हजारभन्दा बढी मत ल्याएका थिए ।

अहिले एमालेको पाँच हजार मत उनलाई गएको बताइन्छ । कांग्रेसलाई कांग्रेसी मतदाताले भन्दा पनि माओवादीले असहयोग गरेको देखिएको छ । कांग्रेसका उम्मेदवार दुईजना हार्नु तर माओवादीकाले मात्र जित्नुले माओवादीले डिनालाई भोट नहालेको प्रस्ट छ ।

कांग्रेसको जति मत हो त्यति उनले पाएको कांग्रेस मकवानपुरका एक सदस्यले बताए । अहिले कांग्रेस बागमतीका सभापति बानियाँलाई मुख्यमन्त्री बन्नबाट रोक्नकै लागि डिनाले अन्तर्घातको आरोप लगाएको कांग्रेसमा चर्चा छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

अंकगणितमा बलियो हुँदा पनि किन महालक्ष्मी उपाध्याय डिना हारिन् ? [ मतपरिणामसहित ]

मकवानपुरमा कांग्रेस सक्ने कसम नै खाएकी छिन् डिनाले

कांग्रेस क्रियाशील सदस्य नै नभएकालाई सांसद बनाउन चाहन्थिन् डिना, विरोध खतिवडा हराउन एमालेसँग सेटिङ

मकवानपुरमा कांग्रेस सिध्याउन सहमहामन्त्री डिनाको गेमप्लान, चुनाव हारेको रिस