images

शनिवार, माघ १४ २०७९Jan 28 2023

Logo
images
images

चार प्रदेशमा कांग्रेसले मुख्यमन्त्री पाउने, यी हुन् दाबेदार

चार प्रदेशमा कांग्रेसले मुख्यमन्त्री पाउने, यी हुन् दाबेदार

  • मिडिया डबली
  • मंगलवार, मंसिर १३ २०७९


  • चार प्रदेशमा कांग्रेसले मुख्यमन्त्री पाउने, यी हुन् दाबेदार
    फाइल तस्वीर

    काठमाडौं - प्रदेशमा प्रत्यक्षतर्फ एमालेले तीनवटा प्रदेशमा अग्रता लिए पनि कांग्रेस हाराहारीमै विजय भएकाले सातै प्रदेशमा सत्तागठबन्धनकै सरकार बन्ने निश्चित छ ।

    अहिलेसम्मको परिस्थिति हेर्दा कांग्रेसले चार प्रदेशमा आफूले मुख्यमन्त्री लिने र तीन प्रदेशमा अरु दललाई दिएर सरकार बनाउने बुझिएको छ । बागमती प्रदेशमा कांग्रेसका इन्द्र बानियाँ, प्रदेश १ मा अमृत अर्याल, मधेस प्रदेशमा रामसरोज यादव वा कृष्णा यादव, गण्डकीमा सुरेन्द्रराज पाण्डे मुख्यमन्त्रीका दाबेदार हुन् ।

    images
    images
    images

    निर्वाचनको समग्र परिणाम आएपछि दलहरू त्यसमा जुट्ने छन् । सत्तागठबन्धन टिकाउ भएमा कांग्रेसले प्रदेश १, मधेस, बागमती र गण्डकी प्रदेशमा सरकार बनाउने भएको छ । माओवादीले लुम्बिनी र कर्णाली तथा एकीकृत समाजवादीले सुदूरपश्चिम प्रदेशमा मुख्यमन्त्री पाउन सक्ने बताइन्छ ।

    दोलखा, बाजुरा र स्याङ्जा २ मा मतगणना बाँकी छ । उदयपुर १ र सुनसरी ४ को गणना भइरहेको छ । सुनसरी ४ मा रोकिएको छ । अहिलेसम्मको परिणामले संघमा कांग्रेस प्रत्यक्षतर्फ पहिलो र समानुपातिकतर्फ एमाले पहिलो दल बन्ने निश्चित जस्तै छ ।

    प्रदेश सभातर्फ पनि कांग्रेस र एमालेको शक्ति बराबरी जस्तै देखिएको छ । चौतर्फी घेराबन्दीका बाबजुद पनि एमाले प्रदेश १, मधेस र लुम्बिनी प्रदेशमा प्रत्यक्षतर्फ ठूलो दल बनेको छ । प्रदेश १ मा एमालेले २५ सिट जितेको छ । कांग्रेसले १७ सिट जितेको छ ।

    मधेस प्रदेशमा एमालेले १६ र कांग्रेसले १३ सिट जितेको छ । बागमती प्रदेशमा कांग्रेस सबैभन्दा ठूलो दल भएको छ । यो प्रदेशमा कांग्रेसले २४ र एमालेले १४ सिट जितेको छ । गण्डकी प्रदेशमा कांग्रेस ठूलो दल बनेको छ । उसले १६ सिट र एमाले १२ सिट जित्दै दोस्रो ठूलो दल बनेको छ ।

    कर्णाली प्रदेशमा कांग्रेस र माओवादी केन्द्रले नौ नौ सिट जितेका छन् । समानुपातिकतर्फ एमाले अगाडि छ । तर, ठूलो दल कांग्रेस नै बन्ने छ । सुदूरपश्चिम प्रदेशमा कांग्रेस सबैभन्दा ठूलो दल बनेको छ । यहाँ कांग्रेसले ११ सिट जितेको छ । माओवादीले आठ र एमालेले तीन सिट जितेको छ ।

    मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

    शनिवार, पौष १६ २०७९०७:१५:००
    ट्रेन्डिङ
    Logo
    • डबली नेटवर्क्स प्रा.लि, अनामनगर, काठमाडौँ

    • फोन नम्बर :९८०११२३३७१
    • [email protected]
    • वेबसाईट: www.mediadabali.com
    • सूचना विभाग दर्ता नं.::१८१/ ०७३ -०७४
    • प्रधान सम्पादक

    • कृष्ण प्रसाद पहाडी
    • सम्पादक

    • शोभाकान्त सापकोटा
    • साइट

    • बिनोद भट्टराई
    • क्यामरा पर्सन

    • सुनिल क्षेत्री
    • संवाददाताहरु

    • निर्मला पौडेल
    • अमृत चापागाई
    • अर्जुन पहाडी
    • खिमबहादुर गौतम
    • आकृति थापा क्षेत्री

    Copyright © All right reserved to Dabali Networks P. LTD. Site By: SobizTrend