काठमाडौं । अर्थशास्त्री डा. स्वर्णिम वाग्लेले प्रतिनिधिसभाको निर्वाचनमा प्रतिस्पर्धा गर्ने भएका छन्।  प्रतिनिधिसभाको निर्वाचनलाई मध्यनजर गरेर विभिन्न व्यक्तिले उम्मेदवारी घोषणा गरिरहेका बेला अर्थशास्त्री वाग्लेलाई कांग्रेस नेताहरूले काठमाडौं क्षेत्र नम्बर ५ वा चितवन क्षेत्र नम्बर १ बाट चुनाव उठ्ने तयारी गर्न सुझाएका छन् । 

मिति घोषणा भइनसकेको भए पनि मंसिरभित्रै प्रतिनिधिसभाको चुनाव गर्ने सरकारको तयारी छ । निर्वाचन लड्ने तयारीका लागि वाग्लेले यूएनडीपी एसिया प्यासिफिकको प्रमुख आर्थिक सल्लाहकारबाट राजीनामा दिइसकेका छन् । उनी आगामी अगष्टमा नेपाल फर्किँदैछन् । 

अमेरिकाको न्यूयोर्कस्थित प्रधान कार्यालयमै बसेर काम गर्नेगरी गत असारमा नियुक्त भएका वाग्ले कांग्रेस शीर्ष नेताहरूसँग परामर्श गरेर अमेरिका गएका थिए । स्थानीय तहको निर्वाचनका क्रममा समेत उनले एक महिना लामो बिदा लिएर सक्रियता देखाएका थिए ।

अहिले काठमाडौं ५ वा चितवन १ बाट निर्वाचन लड्न कांग्रेस नेताहरूको सुझाव आएको वाग्लेले बताएका छन् । त्यसो त उनलाई गोरखाबाट पनि चुनाव लड्ने प्रस्ताव आएको छ ।  काठमाडौं ५ बाट २०७४ सालको निर्वाचनमा कांग्रेस नेता डा. प्रकाशशरण महत लडेका थिए । तर, महत एमाले वरिष्ठ उपाध्यक्ष ईश्वर पोखरेलसँग पराजितभ एका थिए । महत यो पटक नुवाकोटबाट निर्वाचन लड्ने तयारीमा छन् । यो क्षेत्रमा निर्वाचन लड्न अन्य केही नेताहरूले चासो राखिरहेको भए पनि वाग्लेको सम्भावना बलियो भएको कांग्रेसका एक पदाधिकारीले बताए ।

अमेरिका जानुअघि उनले सभापति शेरबहादुर देउवा, नेताहरू विमलेन्द्र निधि, डा. शंशाक कोइराला, प्रकाशमान सिंह, गगन थापा, अर्जुननरसिंह केसीलगायतसँग परामर्श गरेका थिए ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

कांग्रेस नेता महर्जनको खाना खुवाउने अभियानमा कराँते चेलाको सहयोग

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध

केपी ओलीविरुद्ध संसदमा देउवाको हुँकार, सबैका सामुन्ने खोले एकसे एक पोल !

कांग्रेसकी यी महिला सांसदले पाइन् संसदमा ठूलो जिम्मेवारी !

सिमा अतिक्रमण भएपछि तरुण दल कम्युनिस्ट सरकारसँग आक्रोशित, तत्कालै उचित कदम चाल्न ध्यानाकर्षण

लगनखेल डोजोको भोजन वितरणमा कांग्रेस नेताहरूको सहयोग