काठमाडौं – सत्तारुढ दल नेपाली कांग्रेसको १४औं महाधिवेशनमा केन्द्रीय कार्यसमितिको सहमहामन्त्री थारुतर्फ पदका उम्मेदवार उमाकान्त चौधरी पार्टीमा प्रभावशाली नेता मानिन्छन् । यसैकारण महाधिवेशनमा चौधरी सभापति शेरबहादुर देउवा र पूर्व महामन्त्री कृष्णप्रसाद सिटौलाको रोजाइमा परेर सहमहामन्त्रीमा प्यानलभित्र परेका छन् ।

हाल प्रतिनिधिसभा सांसद समेत रहेका चौधरी पूर्व खानेपानीमन्त्री समेत हुन् । उनी मधेशमा प्रभावशाली मानिन्छन् ।

सभापति देउवाकै प्यानलमा परेका र बढी महाधिवेशन प्रतिनिधि भएको मधेश क्षेत्रबाट मत आउनसक्ने भएकाले चौधरीलाई जित्ने उम्मेदवारका रूपमा हेरिएको छ ।

यस्तो छ चौधरीको राजनीतिक पृष्ठभूमि –

त्रिविविबाट वनस्पति शास्त्रमा एमएससी गरेका खानेपानी मन्त्री तथा कांग्रेस केन्द्रीय सदस्य  उमाकान्त चौधरी हाल प्रतिनिधिसभाका सदस्य समेत छन् । 

२०३६ सालको विद्यार्थी आन्दोलनबाट नेपाल विद्यार्थी संघमा सक्रिय हुँदै आएका चौधरी २०४२ सालको सत्याग्रहमा भाग लिए । 

२०४४ सालमा बारा जिल्ला क्षेत्र नम्बर १ को कांग्रेस क्षेत्रिय उपसभापति भएका चौधरी २०४६ सालको  जनआन्दोलनमा काठमाडौं र बाराको आन्दोलनमा सक्रिय भए । 

२०४७ सालमा नेविसंघ त्रिविवि समितिको उपसभापति निर्वाचित भइ २०४८ सालमा बारा क्षेत्र नम्बर १ बाट कांग्रेस महासमिति सदस्यमा निर्वाचित भएका हुन् ।

२०४८ सालमा नेविसंघ केन्द्रीय कार्यसमिति सदस्यमा निर्वाचित । २०४९ मा नेपाली कांग्रेस बारा जिल्ला कार्यसमिति सदस्य भएका थिए । 

२०५३ सालमा बारा क्षेत्र नम्बर १ बाट महाधिवेशन प्रतिनिधि र महासमिति सदस्यमा निर्वाचित भए । 

२०५४ सालमा नेपाल तरुण दलको केन्द्रीय सदस्य, २०५६ सालको आम निर्वाचनमा बारा क्षेत्र नम्बर १ बाट प्रतिनिधिसभा सदस्यमा निर्वाचित भए ।

२०५८ सालमा कृषि तथा सहकारी सहायकमन्त्री बने भने २०५९ सालमा नेपाली कांग्रेस प्रजातान्त्रिकको केन्द्रीय कार्यसमिति सदस्यमा निर्वाचित भए ।

२०६२/०६३ को जनआन्दोलनमा आन्दोलन परिचालन समिति कमाण्डर र २०६४ सालमा नेपाली कांग्रेस केन्द्रीय र नेपाली कांग्रेस प्रजातान्त्रिक एकीकरणपछि कांग्रेस केन्द्रीय कार्यसमिति सदस्य बने ।

२०६४ सालको संविधानसभा निर्वाचनमा बारा क्षेत्र नम्बर ५ बाट संविधानसभा सदस्यमा निर्वाचित भए ।

२०६७ सालमा माधवकुमार नेपाल नेतृत्वका संयुक्त सरकारमा कांग्रेसको तर्फबाट स्वाथ्य तथा जनसंख्या मन्त्री बने । 

२०६७ सालको पार्टीको १२ औं महाधिवेशनमा केन्द्रीय कार्यसमिति सदस्यमा निर्वाचित भए । 

२०७२ सालको १३औं महाधिवेशनमा पार्टीको केन्द्रीय कोषाध्यक्ष पदमा कृष्णप्रसाद सिटौला समूहबाट प्रत्यासी बनेका चौधरीलाई सभापति देउवाबाट केही सातामै केन्द्रीय कार्यसमिति सदस्यमा मनोनित भए । 

२०७४ सालको आमनिर्वाचनमा बारा जिल्ला क्षेत्र नम्बर १ बाट प्रतिनिधिसभा सदस्यमा निर्वाचित भए । उनी २०७८ भदौदेखि खानेपानी मन्त्री समेत रहेका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

कांग्रेस नेता महर्जनको खाना खुवाउने अभियानमा कराँते चेलाको सहयोग

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध

केपी ओलीविरुद्ध संसदमा देउवाको हुँकार, सबैका सामुन्ने खोले एकसे एक पोल !

कांग्रेसकी यी महिला सांसदले पाइन् संसदमा ठूलो जिम्मेवारी !

सिमा अतिक्रमण भएपछि तरुण दल कम्युनिस्ट सरकारसँग आक्रोशित, तत्कालै उचित कदम चाल्न ध्यानाकर्षण

लगनखेल डोजोको भोजन वितरणमा कांग्रेस नेताहरूको सहयोग