काठमाडौं - नेपाली कांग्रेसको १४औं महाधिवेशनअन्तर्गत सोमबार नयाँ नेतृत्वका लागि मतदान हुँदैछ । महाधिवेशनमा ४७ सय बढी प्रतिनिधि सहभागी छन् ।

नेपाली कांग्रेसले शुभेच्छुक भ्रातृसंस्थाका लागि तीनदेखि पाँचजनासम्म प्रतिनिधि छुट्याएको छ । जसअनुसार कांग्रेसका दर्जन बढी शुभेच्छुक भ्रातृसंस्थाले निर्विवाद ढंगले महाधिवेशन प्रतिनिधि छनोट गरेर पठाएका छन् ।

तर नेपाल सांस्कृतिक संघले यसपटक पनि महाधिवेशन प्रतिनिधि बिक्री गरेको भन्दै संघका पदाधिकारीले असन्तुष्टि जनाएका छन् ।

कांग्रेसको १३औं महाधिवेशनमा पनि संघका अध्यक्ष तीर्थ थापाले तीनजना महाधिवेशन प्रतिनिधि चयन गरेर पठाउँदा राम्रै प्रतिफल कमाएको चर्चा थियो । यसपटक पनि थापाले संघका पदाधिकारी कसैलाई पनि थाहा पत्तो नदिई सुटुक्क तीनजना महाधिवेशन प्रतिनिधि चयन गरेर पठाएको रहस्य खुलेको छ ।

संघले सर्वसम्मत ढंगले पदाधिकारीबाटै महाधिवेशन प्रतिनिधि छनोट गरेर पठाउनुपर्ने हो । तर थापाले त्यसको बेवास्ता गर्दै पदाधिकारीलाई बाइपास गर्दै काठमाडौंका प्रवीण ओझा, भैरहवाका सुनिल रायमाझी र बुटवलका डिल्लीनारायण पाण्डेलाई कांग्रेसको महाधिवेशन प्रतिनिधि छनोट गरेर पठाएका छन् । संघका अध्यक्षले प्रतिप्रतिनिधि १५ लाख रुपैयाँसम्म असुल गरेको मिडियाडबलीलाई बताए ।

ओझा सांस्कृतिक संघमै आबद्ध भए पनि उनी कांग्रेसको नगर कमिटीमै पराजित भएका व्यक्ति हुन् । उनको आर्थिक अवस्था निकै सुदृढ छ । संघका अध्यक्ष थापाले सधैं पैसा हुने व्यक्तिलाई महत्व दिँदै आएका  छन् । रायमाझी र पाण्डे नामै नसुनिएका व्यक्ति हुन् ।

थापाले सांस्कृतिक संघलाई मागीखाने भाँडो बनाउँदै आएका छन् । विगतमा संघको अस्तित्व रामै्र थियो । तर, थापाको आजीवन संघको अध्यक्ष बन्ने इच्छाले गर्दा अहिले  झोलामा सीमित भएको छ ।

थापा कांग्रेसको १४औं महाधिवेशनमा खसआर्यतर्फबाट केन्द्रीय सदस्यमा उम्मेदवार बनेका छन् । उनी लमजुङबाट खसआर्यबाटै महाधिवेशनमा निर्वाचित भएर आएका हुन् । संघको कार्यबाहक अध्यक्ष जनार्दन शर्मालाई बनाएका थापाले तिनै आचार्यलाई महाधिवेशन प्रतिनिधिसमेत बनाएनन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

कांग्रेस नेता महर्जनको खाना खुवाउने अभियानमा कराँते चेलाको सहयोग

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध

केपी ओलीविरुद्ध संसदमा देउवाको हुँकार, सबैका सामुन्ने खोले एकसे एक पोल !

कांग्रेसकी यी महिला सांसदले पाइन् संसदमा ठूलो जिम्मेवारी !

सिमा अतिक्रमण भएपछि तरुण दल कम्युनिस्ट सरकारसँग आक्रोशित, तत्कालै उचित कदम चाल्न ध्यानाकर्षण

लगनखेल डोजोको भोजन वितरणमा कांग्रेस नेताहरूको सहयोग