काठमाडौं – सत्तारुढ दल नेपाली कांग्रेसको १४औं महाधिवेशनमा सभापति पदका लागि उम्मेदवारी दिएका नेताले नै उम्मेदवारी फिर्ता लिएका छन् ।

सभापति पदमा उम्मेदवारी दिएका युवराज न्यौपानेले उम्मेदवारी फिर्ता लिएका केन्द्रीय निर्वाचन समितिका सदस्य तेज रावलले बताएका छन् ।

विभिन्न पदमा उम्मेदवारी दर्ता गराएकामध्ये ६० जनाले उम्मेदवारी फिर्ता लिएका जनाइएको छ ।

निर्वाचन समितिले आईतवार मध्याह्न साढे १२ बजेसम्म उम्मेदवारी फिर्ताको समय दिएको थियो ।

सहमहामन्त्री थारु तर्फका उम्मेदवार सुरेन्द्र चौधरीले समेत उम्मेदवारी फिर्ता लिएका जनाइएको छ । अरु ५८ जना केन्द्रीय सदस्यका उम्मेदवारले समेत उम्मेदवारी फिर्ता लिएका जनाइएको छ । 

सभापति पदको उम्मेदवारी फिर्ता लिएका न्यौपानेले डा. शेखर कोइराला र सुरेन्द्रले उमाकान्त चौधरीलाई सघाउने भएका छन् ।

शनिवार १३४ पदका लागि भएको उम्मेदवारी दर्तामा ५४८ जनाले मनोनयन गरेका थिए । अब सभापतिमा ५ जनाबीच भिडन्त हुने भएको छ ।

सभापतिमा कल्याणकुमार गुरुङ, प्रकाशमान सिंह, डा. शेखरप्रसाद कोइराला, बिमलेन्द्र निधि र शेरबहादुर देउवा भिडन्त हुने भएको छ ।

केन्द्रीय कार्यसमितिको २ उपसभापति पदमा ७ जनाको उम्मेदवारी कायम हुने भएको छ । उपसभापतिमा महेश आचार्य, सुजाता कोइराला, डा. चन्द्र भण्डारी, धनराज गुरुङ, दिव्यश्वरी शाह, पूर्णबहादुर खड्का र विजयकुमार गच्छदार उम्मेदवार रहेका छन् ।

कार्यसमितिको २ महामन्त्री पदमा ६ जनाको उम्मेदवारी रहेको छ । महामन्त्रीमा गगनकुमार थापा, डा. मिनेन्द्र रिजाल, विश्वप्रकाश शर्मा, डा. राजाराम कार्की, प्रदीप पौडेल र डा. प्रकाशशरण महत उम्मेदवार छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

कांग्रेस नेता महर्जनको खाना खुवाउने अभियानमा कराँते चेलाको सहयोग

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध

केपी ओलीविरुद्ध संसदमा देउवाको हुँकार, सबैका सामुन्ने खोले एकसे एक पोल !

कांग्रेसकी यी महिला सांसदले पाइन् संसदमा ठूलो जिम्मेवारी !

सिमा अतिक्रमण भएपछि तरुण दल कम्युनिस्ट सरकारसँग आक्रोशित, तत्कालै उचित कदम चाल्न ध्यानाकर्षण

लगनखेल डोजोको भोजन वितरणमा कांग्रेस नेताहरूको सहयोग