काठमाडौं – सत्तारुढ दल नेपाली कांग्रेसको १४औं महाधिवेशन आजदेखि सुरु हुँदैछ ।

काठमाडौंको भृकुटीमण्डलमा उद्घाटन भएर बन्दसत्र हुनेछ । महाधिवेशनका लागि कार्यक्रमस्थललाई सजाएर आकर्षक बनाइएको छ ।

शुक्रबार दिउँसो १ बजेदेखि सुरू हुने महाधिवेशनको उद्घाटन सत्रका लागि मञ्च लगायतको व्यवस्थापनको काम पूरा भएको छ ।

कांग्रेसले करीब १५० जना अट्ने मुख्य मञ्च बनाएको छ । कोरोना संक्रमणको जोखिमका कारण बृहत् जनसभा नगर्ने निर्णय गरेको कांग्रेसले महाधिवेशन प्रतिनिधि र शुभेच्छुकका लागि कुर्चीको व्यवस्था गरेको छ ।

महाधिवेशन उद्घाटनस्थल वरिपरि सवारी व्यवस्थापन सहज पार्न प्रहरीले बिहानैदेखि प्रदर्शनी मार्गमा सवारीसाधन प्रवेश निषेध गरेको छ । राष्ट्रिय सभागृहतर्फ र पद्मोदयमोड तर्फबाट अत्यावश्यक बाहेकका सवारीसाधनलाई प्रदर्शनी मार्गमा प्रवेश गर्न दिइएको छैन ।

महाधिवेशनमा सभापति पदमा शेरबहादुर देउवा र वरिष्ठ नेता रामचन्द्र पौडेल पक्षबीच मुख्य प्रतिस्पर्धा हुने देखिएको छ । पौडेल पक्षले साझा उम्मेदवार तय गर्न नसक्दा विवाद कायमै छ ।

सभापतिमा पुनः देउवाकै सम्भावना रहेको कांग्रेस नेताहरू बताउँछन् । पौडेल पक्ष एकजुट हुन नसकेको प्रत्यक्ष फाइदा देउवालाई पुग्ने बताइन्छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

कांग्रेस नेता महर्जनको खाना खुवाउने अभियानमा कराँते चेलाको सहयोग

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध

केपी ओलीविरुद्ध संसदमा देउवाको हुँकार, सबैका सामुन्ने खोले एकसे एक पोल !

कांग्रेसकी यी महिला सांसदले पाइन् संसदमा ठूलो जिम्मेवारी !

सिमा अतिक्रमण भएपछि तरुण दल कम्युनिस्ट सरकारसँग आक्रोशित, तत्कालै उचित कदम चाल्न ध्यानाकर्षण

लगनखेल डोजोको भोजन वितरणमा कांग्रेस नेताहरूको सहयोग