काठमाडौं - नेपाली कांग्रेसको १४औं महाधिवेशनबाट झन्डै एक दर्जन सिनियर नेताको सक्रिय राजनीति सकिँदैछ । १३औं महाधिवेशनमा वृद्ध भइसकेका नेताहरूकै बोलवाला थियो ।

तर, यसपटक महाधिवेशन प्रतिनिधि युवा पुस्ताका बढीजसो आएकाले चुनावमा एक दर्जनको हाराहारीमा रहेका वृद्ध नेता पाखा लाग्ने अवस्था छ ।

कांग्रेसलाई त्यसै पनि वृद्धहरूको पार्टी भन्ने गरिएको छ । ५० वर्षसम्मका नेताहरूलाई पार्टीको पदाधिकारी बन्नबाट रोकिँदै आएको छ । तर, यसपटक गगन थापा, विश्वप्रकाश शर्मा, प्रदीप पौडेललगायतको पुस्ताले पदाधिकारीमै जित्ने देखिएपछि वृद्ध नेताहरू साइड लाग्ने अवस्था आएको हो ।

यदि कांग्रेसले पदाधिकारी थप गरेन भने सभापति र उपसभापतिमा मात्र हो वरिष्ठ नेता पर्ने । नत्रभने महामन्त्रीदेखि सहमहामन्त्री र ३५ केन्द्रीय सदस्यमा अधिकांश युवा पुस्ता आउने निश्चित छ ।

यस्तो भएमा अर्जुननरसिंह केसी, डा.रामशरण महत, गोपालमान श्रेष्ठ, तारानाथ रानाभाट, विजयकुमार गच्छदार, तारणीदत्त चटौत, लक्ष्मण घिमिरे, गोविन्दराज जोशी जस्ता नेताहरूको सक्रिय राजनीतिमा विश्राम लाग्ने अवस्था छ ।

यी नेताहरू सम्भवतः अब पदाधिकारीमा रहने छैनन् । १३औं महाधिवेशनमा धेरैजसो पदाधिकारीमा समेत रहेनन् । त्यसैले यसपटक ३५ खुला केन्द्रीय सदस्यको संख्या बढाइएको हो ।

संस्थापन र इतर समूहमा दुवैतिर हाराहारीमा सिनियर नेताहरूको संख्या छ । ती सबै एक सय ३४ सदस्यीय केन्द्रीय कार्यसमितिमा आउने चान्स छैन ।

त्यसलै यसपटक धेरैले महाधिवेशनबाटै बिदा लिनुपर्ने अवस्था छ । उमेरका हिसाबले शेरबहादुर देउवा, रामचन्द्र पौडेल, कृष्णप्रसाद सिटौला, पूर्णबहादुर खड्कालगायतको पनि यो नै अन्तिम महाधिवेशन हुने छ ।

त्यो संकेत नेता पौडेलले बुधबार नै इतर समूहको बैठकमा दिइसकेका छन् । उनले अब आफू पार्टी राजनीतिबाट बिदा लिएर आराम गर्ने जनाउ दिइसकेका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

कांग्रेस नेता महर्जनको खाना खुवाउने अभियानमा कराँते चेलाको सहयोग

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध

केपी ओलीविरुद्ध संसदमा देउवाको हुँकार, सबैका सामुन्ने खोले एकसे एक पोल !

कांग्रेसकी यी महिला सांसदले पाइन् संसदमा ठूलो जिम्मेवारी !

सिमा अतिक्रमण भएपछि तरुण दल कम्युनिस्ट सरकारसँग आक्रोशित, तत्कालै उचित कदम चाल्न ध्यानाकर्षण

लगनखेल डोजोको भोजन वितरणमा कांग्रेस नेताहरूको सहयोग