काबुल - अफगानिस्तानका विदेशमन्त्री मोहम्मद हनीफ अतमारले छिमेकी देशका राजदूत र प्रतिनिधिहरुसँगको बैठकमा पाकिस्तानमा रहेका आतंकवादी समूह र तालिबानलाई समर्थन गर्ने अन्य आतंकवादी संगठनहरुले अफगानिस्तानमा हिंसा भड्काइरहेको बताइएका छन् । 

अफगानिस्तानका विदेशमन्त्री हनीफ अतमारले राजदूत र छिमेकी देशका प्रतिनिधिहरुसँग भेटका क्रममा उक्त कुरा बताएका हुन् । पाकिस्तानमा रहेको आतंकवादी समूहले तालिबानहरुलाई लडाकू सहयोग गरिरहेको र तालिबानी समूहले अफगानिस्तानका विभिन्न क्षेत्रमा आक्रमण गरिरहेको बताएका छन् । 

पछिल्लो समय अफगानिस्तान सेना र तालिबानबीच अफगानिस्तानका धेरै सहरहरुमा झडप भएको छ । अफगानी विदेशमन्त्री अतमारले तालिबान हमलाहरूमा लश्कर ए तैयबा (एलईटी), तेहरिक ए तालिबान पाकिस्तान (टीटीपी), अन्सारुल्लाह, जुन्दल्लाह, अलकायदा, पूर्वी तुर्कस्तानका १०,००० भन्दा बढी क्षेत्रीय आतंकवादीहरु समूहका लडाकूहरु संलग्न भएकोसिमेत बताएका छन् । 

इस्लामिक आन्दोलन (ईटीआईएम), र उज्बेकिस्तानको इस्लामिक आन्दोलन (आईएमयू) लगायतको पनि सहभागीता रहेको अफगानिस्तानको विदेश मन्त्रालयले एक विज्ञप्तिमार्फत जनाएको छ । 

हालैका महिनाहरुमा तालिबान समूहले गरेको विभिन्न हिंसात्मक हमलाहरुमा तीन हजारभन्दा बढी मानिसहरुको ज्यान गयो भने तीन लाखभन्दा बढी मानिसहरु विस्थापित भएको जनाइएको छ । 

उनले तालिबानको युद्ध अपराध अवर्णनीय रहेको र स्पिन बोल्दाकमा एक सयभन्दा धेरै मानिसहरुको हत्या, जबरजस्ती विवाह, ३०० भन्दा बढी सार्वजनिक पूर्वाधारको विनाश, र तालिबान नियन्त्रित क्षेत्रहरुमा सेवाहरु निलम्बन गरिएको जनाइएको छ । 

बैठकको क्रममा क्षेत्रीय देशहरु र संयुक्त राष्ट्र संघका प्रतिनिधिहरुले हिंसा तत्काल बन्द गर्न र शान्ति प्रक्रियालाई सुदृढ पार्ने पक्षमा जोड दिएका छन् ।

अफगानिस्तानका लागि संयुक्त राष्ट्र महासचिवको विशेष प्रतिनिधि डेबोरा लियोन्सले अफगानका सरकारी कार्यालयमा भएको हमलाले मानवअधिकार र कानुनी शासनको पूर्ण उल्लंघन भएको बताएका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

पाकिस्तानको भवलपुरमा हिन्दुका घरहरु भत्काइयो

पाकिस्तानको सिन्धमा ३८५ बालबालिकामाथि दुर्व्यवहारका घटना दर्ता

शिख समुदायलाई मुस्लिम धर्मगुरुको धम्की, गुरुद्वाराको जग्जा कब्जा गर्ने लक्ष्य

चमन प्रान्तमा अफगानी र पाकिस्तानी सेनाका बीच भिडन्त

चमन प्रान्तमा अफगानी र पाकिस्तानी सेनाबीच भिडन्त

पाकिस्तानी राज्यातंकविरुद्ध सिन्धमा प्रदर्शन, र्‍यालीमा सहभागी नै अपहरण