काठमाडौं - प्रधानमन्त्री केपी ओली जति मुखाले छन्, उनका अनुयायी र निकट नेता कार्यकर्ता पनि त्यस्तै छुद्र भएर निस्केका छन् । चाहे गोकुल बास्कोटा हुन् या महेश बस्नेत वा विष्णु रिमाल नै ।

प्रधानमन्त्री ओलीको प्रशस्ती गान गाएर राजनीतिक नियुक्ति खानेको अवस्था पनि त्यस्तै छ । उनीहरू आफ्ना विरोधीलाई केपी ओलीभन्दा पनि अगाडि बढेर गालीगलौज गर्न तम्सिन्छन् ।

केहीले त गोलीगलौज गर्न, शिष्टताको मर्यादा उल्लंघन गर्न ओलीलाई नै जितेका छन् । त्यसैमध्येमा पर्छन् गुरु भट्टराई । यिनी केहीअघिसम्म बेराजगार थिए । आफूलाई बौद्धिक भन्न रुचाउने भट्टराईले ओली प्रधानमन्त्री बन्नेवित्तिकै सामाजिक सञ्जालमा ओलीको प्रशस्ती गान गाउन थाले ।

उनी पनि झापाकै हुन् । नेपाली कांग्रेस र यसका नेता खुइल्याउन उनी ओलीभन्दा पनि अघि देखिए । सँगसँगै माओवादी नेता कार्यकर्तालाई तथानाम लेख्ने, ओलीइतर नेकपाकै नेता कार्यकर्तालाई अश्लील गालीगलौज गरेर विद्वता देखाएपछि ओलीले टपक्क टिपेर रेल्वे विभागको महाप्रबन्धक नियुक्त गरिदिए ।

अहिले यिनी पूर्वएमाले नेताहरू माधवकुमार नेपाल, झलनाथ खनाललगायतको उछितो काढ्नमै व्यस्त छन् । जनताको करको पैसामा मस्ती गर्ने भट्टराईले आइतबार राति सामाजिक सञ्जाल ट्विटरमा नेकपा अध्यक्ष नेपालविरुद्ध तथानाम लेखेका छन् । उनले लेखेको पढ्नेलाई नै लाज लाग्न सक्छ । कतिसम्म भने यिनले माधवलाई सधैं अपुताली खाने भनेर खिल्ली उडाएका छन् ।

उनले लेखेका छन्, ‘मदन मरेपछि महासचिव, वीरेन्द्र मरेपछि ज्ञानेन्द्रलाई प्रम हुन ढोग, दुई ठाउँ हरुवा हुँदा पनि प्रम, महाधिबेशनमा हारेर पनि अध्यक्ष चाहिने, अझ केपी ओली मर्छ र मै प्रम हुन्छु भन्ने माकुनेको आशा । सधैं अपुताली खाने ? काट्टे बाहुनको पाराले राजनीति धान्ने ? कठैबरा ।’

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

ओली र प्रचण्ड निकट मिडियाले खेदेपछि बोले माधव नेपाल, दिए यस्तो चेतावनी

दशैंको मुखैमा अधिकांश मन्त्रीको पद धरापमा, माधव नेपालले गरे यस्तो प्रस्ताव !

माधव नेपालले अन्तिम पटक अध्यक्षमा उठ्ने घोषणा गरेपछि प्रचण्डलाई भाउन्न

प्रचण्ड र माधव नेपाल मिल्दा बाग्मती र प्रदेश १ का मुख्यमन्त्रीमा बढ्यो छटपटी

ओलीले भन्दा नमानेपछि माधव नेपाल निवासमा दोस्रो तहका नेताको धर्ना

ओलीले माधव नेपाललाई अध्यक्षको प्रस्ताव गरे, प्रचण्ड अब पनि सँगै बस्लान् ?