काठमाडौं – सभामुख अग्नि सापकोटाविरुद्ध सर्वाेच्च अदालतमा परेको मुद्दालाई शुक्रवारको संवैधानिक इजलासमा ‘हेर्न नभ्याइने’ गरी राखिएको छ ।

प्रधानन्यायाधीश चालेन्द्रशम्शेर जबरा, दीपककुमार कार्की, मीरा खड्का, हरिकृष्ण कार्की र विश्वम्भरप्रसाद श्रेष्ठको संवैधानिक इजलासमा सापकोटाको मुद्दाको स्थितिमा ‘हेर्न नभ्याइने’ उल्लेख छ ।

शुक्रवार पेशी तोकिएपनि मुद्दाको सुनुवाइमा पालो नआएकाले हेर्न नभ्याइने भनेर सर्वोच्चको वेबसाइटमा लेखिएको छ ।

यसअघि २०७६ फागुन ३० गते मुद्दालाई पेशीमा चढाइएको भएपनि हेर्न नभ्याएपछि सुनुवाइ सरेको थियो । कम्युनिस्ट प्रधानमन्त्री केपी शर्मा ओलीले बोलाएको संवैधानिक परिषद्को बैठकमा सभामुख सापकोटा उपस्थित नभएका बेला मुद्दा पेशीमा चढ्नुलाई अर्थपूर्ण रूपमा हेरिएको थियो । परिषद्मा प्रधानन्यायाधीश समेत सदस्य हुन्छन् ।

सभामुख सापकोटामाथि तत्कालीन माओवादीले चलाएको सशस्त्र द्वन्द्वका क्रममा काभ्रेका अर्जुन लामाको हत्यामा संलग्न भएको आरोप लागेको छ । २०६२ बैशाख १६ गते श्रीकृष्ण मावी, दाप्चामा अभिभावक भेला स्थलबाट लामा अपहरणमा परेका थिए । साउन तेस्रो हप्ता लामालाई खाल्डो खन्न लगाएर ज्यूँदै मारेको भन्दै उनीकी पत्नी पूर्णिमायाले २०६४ सालमा प्रहरीमा जाहेरी दिएकी थिइन् ।

प्रहरीले जाहेरी लिन नमानेपछि त्यसविरुद्ध पूर्णिमायाले सर्वोच्चमा रिट हालेपछि २०६४ फागुन २२ गते सर्वोच्चले आदेश दिएर जाहेरी दर्ता भएको थियो । तर डा. बाबुराम भट्टराई नेतृत्वको सरकारले सापकोटा विरुद्धको जाहरी तामेलीमा राख्ने निर्णय गरेपछि कारवाही अगाडि बढ्न सकेन ।

भट्टराई सरकारको निर्णयविरुद्ध पूर्णिमाया फेरि सर्वोच्च गइन् । सर्वोच्चले निर्णय कार्यान्वयन नगर्न आन्तरिम आदेश दिएको थियो । यो मुद्दा सर्वोच्चको संवैधानिक इजलासमा विचाराधीन छ । मुद्दा विचाराधीन रहेकै बेला सापकोटा सञ्चारमन्त्री बनेपछि कनकमणि दीक्षित लगायतले सर्वोच्चमा अदालतको अवहेलना मुद्दा समेत हालेका थिए ।

सापकोटा विरुद्धका मुद्दा अदालतमा विचाराधीन रहेको अवस्थामा नेकपाभित्र विवाद चर्किएपछि पुराना मुद्दा बाहिर निस्किन थालेका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

सभामुख सापकोटको धम्की दिँदै नेकपा कार्यकर्ताले गरे गुम्बा तोडफोड 

सभामुख सापकोटाका स्वकीय सचिवले प्रिन्सिपलको टोकिदिए औंला, दुई टाँका लगाइयो

सभामुख सापकोटा सिध्याउन ओलीको यस्तो रणनीति, सर्वोच्चमा चढाइयो मुद्दाको पेसी

ओलीले संसद विघटन गरेको बल्ल थाहा पाए सभामुख अग्नि सापकोटाले !

सभामुख अग्नि सापकोटा नै केपी ओलीको समर्थनमा ! प्रचण्डलाई आफ्नैबाट धोका

सभामुखलाई प्रधानमन्त्रीले थला बसाए, सभामुखले केही गर्नै सकेनन्