काठमाडौँ - लोक तथा दोहोरी गीत संगीतको क्षेत्रलाई मात्र ब्यवसाहिकताको रुपमा लिईरहँदा पछिल्लो समय आफ्नै कला संस्कृति र मौलिकता को जगेनार्थ करिब दुई घण्टाको गीत सार्बजनिक हुने तयारी भैरहेको छ ।

लगभग एक वर्ष लगाएर तयार भएको गीतको आज मात्रै औपचारिक रुपमा रेकडिंग कार्य सम्पन्न भएको छ । गीतलाई केहि दिनमा नै सुनाखरी मल्टी मिडिया फाउन्डेसन प्रालिले सार्बजनिक गर्ने जानकारी प्राप्त छ ।

गीतलाई हेमन्त शिशिरको संगीत संयोजन तथा माधव थापाको लय शब्द र परिकल्पनामा तयार पारिएको हो । नदेख्नेलाई देखाउने, बिर्सिएकालाई सम्झाउने र मौलिकताको संरक्षणका निमित्त तयार पारिएको गीतमा करिब ८० जना भन्दा बढी कलाकारहरुको स्वर सुन्न सकिन्छ ।

गीतमा कुमार बस्नेत, नवराज घोरासैनी देखि लिएर पछिल्लो समय सबैको मनको सांगीतिक ढुकढुकी बनिरहेकी बाल गायिका आयुष गौतम लगाएतको स्वर सुन्न सकिन्छ । त्यसैले पनि यस गीतलाई निर्माण युनिटले 'तिन पुस्ते' नामकरण गरेको छ ।

तिनै पुस्ताका कलाकारहरुको संलग्नता यस गीतमा भएको कारण पनि नेपाली लोक तथा दोहोरी गीत संगीतको क्षेत्र सम्वृद्धिका निमित्त महत्वपुर्ण भूमिका हुने विश्वास गर्न सकिन्छ । किन कि कुनै पनि क्षेत्रमा भएको एकताबद्धले उक्त क्षेत्रलाई उदारणीय साबित गर्नका लागि सहज हुने गर्दछ ।

सुनाखरी मल्टी मिडिया फाउन्डेसन तथा कलाकार माधब थापा माफत प्राप्त भएको जानकारी अनुसार यस गीतको म्युजिक भिडियो अबको केहि दिनमा नै निर्माण हुने छ ।

भिडियोमा गायक स्वयम्ले अभिनय गर्ने छन् । माथि उल्लेखित गीतको आजबाट नै अडियो मिक्सिंग सुरु गरिने शिशिर डिजिटल प्रालिका संचालक हेमन्त शिशिरले जानकारी गराएका छन् ।

मिक्सिंग अवधि कति हुने भन्ने बारे भने उनले यो इतिहांसीक काम पहिलो पटक गरेको हुनाले अन्यौल रहेको बताएका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

बाबुराम भट्टराई र चम्पा खुलाल मगरको ‘बतासै सरर’ रिलिज [ भिडियो ]