काठमाडौं - मंगलबार काठमाडौंमा १६ कोरोना संक्रमित थपिएका छन् । संक्रमितमध्ये ४ जना काठमाडौंकै रहेको र अन्य विदेशबाट आएको जनाइएको छ । टेकुस्थित राष्ट्रिय जनस्वास्थ्य प्रयोगशाला, पाटन अस्पताल र टिचिङ अस्पतालमा गरिएको परीक्षणमा उनीहरुमा संक्रमण पुष्टि भएको हो ।

काठमाडौंकै संक्रमितको विवरण लिने काम भइरहेको जनाइएको छ । त्यस्तै अन्य दुबई, साउदी र एक जना भारतबाट आएका रहेका छन् ।

अहिले संक्रमितहरूको कन्ट्याक्ट ट्रेसिङको काम सुरू गरिएको इपिडियोमोलिजी तथा रोग नियन्त्रण महाशाखाले जनाएको छ । यसअघि उपत्यकामा विदेशबाट आएका गरेर ९१ जना व्यक्तिमा संक्रमण देखिएको थियो।

उनीहरूको विभिन्न अस्पतालमा उपचार भइरहेको छ। काठमाडौंमा कोरोना संक्रमण बढ्दै गएपछि कन्ट्याक्ट ट्रासिंगको काम व्यापक किसिमले हुने र परीक्षणको दायरा बढाउने महाशाखाले जनाएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।