फ्रान्सका पूर्व प्रधानमन्त्री फ्राँस्वाँ फिलोन र उनकी पत्नी पेनेलोप भ्रष्टाचार मुद्दामा दोषी ठहर भएका छन् । सार्वजनिक कोष दुरूपयोग मुद्दामा सोमबार उनीहरुलाई पेरिस अदालतले दोषी ठहर गरेको हो ।

पेनेलोपले फिलोन प्रधानमन्त्री रहेका समय संसदीय सहायकको रूपमा एक व्यक्तिको नाममा नक्कली जागिर सिर्जना गरी त्यसबापत रकम लिएको भनी मुद्दा परेको थियो । सोही मुद्दामा अदालतले उनलाई दोषी ठहर गरेको हो ।

फिलोनकी पत्नी पेनेलोपले सार्वजनिक कोषको १० लाख यूरोभन्दा बढी रकम दुरूपयोग गरेको अभियोगसहित पेरिसको एक अदालतमा परेको मुद्दा विचाराधीन अवस्थामा रहेको थियो ।

यसै प्रकरणका कारण सन् २०१७ को राष्ट्रपतीय निर्वाचनमा अन्य प्रतिद्वन्द्वीभन्दा निकै अब्बल उम्मेदवारी रहेको मानिएका अर्थात् निर्वाचनमा विजयको बलियो सम्भावना बोकेका फिलोनले चुनावी अभियानबाट पछि हटेका थिए ।

अदालतले पूर्व प्रधानमन्त्री फिलोनलाई पाँच र पेनिलपलाई तीन वर्ष जेल सजाय तोकेको छ । त्यस्तै दुवै जनालाई तीन लाख ७५ हजार यूरो जरिवाना समेत तोकेको छ । साथै गैर–कानूनीरूपमा लिएको उक्त दश लाख यूरो राष्ट्रिय सभालाई फिर्ता गर्न निर्देशन पनि अदालतले गरेको छ । एजेन्सी ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

अस्पतालकै कर्मचारी घुसखोरीमा, १६ लाख सहित रंगेहात पक्राउ

सिन्धुलीमा करोडबढीको चेकसहित विधुत प्राधिकरण प्रमुख गुप्ता अख्तियारको फन्दामा

कम्युनिस्ट सत्तामा समाचार किल गर्न ५० लाखको डिल, मालिकले थाहा पाएपछि भागाभाग

गाउँपालिका अध्यक्षकी बुहारीलाई प्रधानाध्यापक बनाएपछि कांग्रेसले सिकायो पाठ